ក្នុងឱកាសបុណ្យចូលឆ្នាំថ្មីប្រពៃណីចិនកាន់តែខិតជិត លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋនិងជាប្រធានគណៈកម្មាធិការយោធាមជ្ឈិមចិនបានអញ្ជើញចុះទៅត្រួតពិនិត្យកងទ័ពបោះប្រចាំនៅខេត្តយូណាននាថ្ងៃទី១៩និង២០ខែមករាឆ្នាំ២០២០ និងបានតាងនាមគណៈកម្មាធិការមជ្ឈិមបក្សកុម្មុយនិស្តចិននិងគណៈកម្មាធិការយោធាមជ្ឈិមសួរសុខទុកយ៉ាងស្មោះនិងជូនពរឆ្នាំថ្មីដល់កងទ័ពរំដោះប្រជាជន និងកងទ័ពប៉ូលិសប្រដាប់អាវុធ ក៏ដូចជាកងជីវពលនិងកងទ័ពបម្រុងទាមងអស់ផងដែរ។
លោកស៊ីជីនភីងបានគូសបញ្ជាក់ថា ឆ្នាំ២០២០ជាឆ្នាំគន្លឹះសម្រាប់ប្រទេសចិនក្នុងការបង្កើតសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ និងបម្រះខ្លួនចេញពីភាពក្រីក្រ ហើយក៏ជាឆ្នាំសម្រាប់កងទ័ពចិនសម្រេចភារកិច្ចគោលដៅឆ្នាំ២០២០លើវិស័យការពារជាតិនិងកសាងកង័ពផងដែរ ពោលគឺមានភារកិច្ចយ៉ាងលំបាកលំបិន។ ដូចនេះគួរប្រកាន់ខ្ជាប់នូវការចាត់ទុកគំនិតសង្គមនិយមប្រកបដោយលក្ខណៈពិសេសចិនក្នុងយុគសម័យថ្មីជាគោលគំនិតណែនាំ ប្រកាន់ខ្ជាប់នូវគោលគំនិតពង្រឹងកងទ័ពរបស់បក្សក្នុងយុគសម័យថ្មី និងប្រកាន់ខ្ជាប់នូវគោលលំនាំយុទ្ធសាស្រ្តយោធាក្នុងយុគសម័យថ្មី ដើម្បីសម្រេចយ៉ាងមុតមាំនូវភារកិច្ចគ្រប់ខរបស់បក្សនិងប្រជាជន៕