រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិន២០២០នឹងបន្តត្រូវផ្សាយផ្ទាល់នៅ”ឆាកសម្តែងសំខាន់នៅក្រុងប៉េកាំងនិងឆាកសម្តែងបន្ទាប់បន្សំប្រចាំនៅតំបន់នានា” ដើម្បីផ្តល់ភាពសប្បាយរីករាយដល់ប្រិយមិត្តទស្សនិកជន ។ ពេលបច្ចុប្បន្ននេះ ត្រូវបានគេរៀបចំឆាកសម្តែងបន្ទាប់បន្សំចំនួនពីរនៅក្រុងZhengzhou ខេត្ត Henan និងមហាតំបន់ឈូងសមុទ្រក្វាងទុង-ហុងកុង-ម៉ាកាវ ។
ទន្ទឹមនឹងបុណ្យចូលឆ្នាំប្រពៃណីចិន២០២០កាន់តែខិតជិតមកដល់ ការងារត្រៀមរៀបចំឆាកសម្តែងសំខាន់នៅក្រុងប៉េកាំង និងឆាកសម្តែងបន្ទាប់បន្សំចំនួន ២ កំពុងដំណើរការយ៉ាងរលូន ។ ក្រុមការងាររៀបចំរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិន២០២០នៃអគ្គស្ថានីយវិទ្យុនិងទូរទស្សន៍មជ្ឈិមចិននឹងខិតខំប្រឹងប្រែងដើម្បីរៀបចំរាត្រីសមោសរមួយប្រកបដោយគុណភាពខ្ពស់ ក្នុងន័យផ្តល់ជាចំណីចក្ខុដ៏សម្បូរបែបផ្នែកវប្បធម៌ដល់ជនជាតិចិនលើទូទាំងសកលលោក ។