ថ្ងៃទី ១៥ ខែមករា បណ្ឌិត្យសភាវិទ្យាសាស្ត្រសង្គមចិនសហការជាមួយទីភ្នាក់ងារកាសែត Economic Daily បានចេញផ្សាយនូវ « របាយការណ៍ស្តីពីនិន្នាការសេដ្ឋកិច្ចចិន 2020 »។
របាយការណ៍បានបង្ហាញថា ឆ្នាំ ២០២០ ជាឆ្នាំដែលប្រទេសចិននឹងកសាងនូវសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ និងជាឆ្នាំបញ្ចប់ផែនការប្រាំឆ្នាំទី ១៣ របស់ចិនផងដែរ ។ សេដ្ឋកិច្ចចិននឹងបន្តរក្សាកំណើននឹងនរ។ យោងតាមការព្យាករណ៍ពីគំរូប្រព័ន្ធម៉ាក្រូសេដ្ឋកិច្ចចិនបានឱ្យដឹងថា ឆ្នាំ ២០២០ អត្រាកំណើនGDPរបស់ប្រទេសចិននឹងដូចឆ្នាំ ២០១៩ ពោលគឺ នឹងអភិវឌ្ឍន៍យ៉ាងនឹងនរក្នុងល្បឿនលឿនបង្គួរ ហើយការផ្តល់ឱកាសការងារនិងតម្លៃទំនិញនឹងរក្សាស្ថិរភាព គុណភាពនៃរចនាសម្ព័ន្ធឧស្សាហកម្មនឹងបន្តកែលម្អតទៅទៀត គុណភាពកំណើនសេដ្ឋកិច្ចក៏នឹងបន្តកើនឡើង។
របាយការណ៍នេះបានបន្ថែមទៀតថា ដើម្បីដំណើរការការងារសេដ្ឋកិច្ចឆ្នាំ ២០២០ ឱ្យបានល្អ នោះគួរតែគោរពហើយអនុវត្តយ៉ាងម៉ឺងម៉ាត់តាមលទ្ធផលដែលកិច្ចប្រជុំការងារសេដ្ឋកិច្ចនៃគណៈកម្មាធិការមជ្ឈិមបក្សកុម្មុយនិស្តចិនបានកំណត់ ហើយត្រូវចាត់ចែងអនុវត្តនយោបាយហិរញ្ញវត្ថុដ៏វិជ្ជមាន កែលម្អមុខងាររចនាសម្ព័ន្ធនៃគោលនយោបាយរូបិយវត្ថុនិងគោលនយោបាយស្តីពីការគ្រប់គ្រងម៉ាក្រូនឹងហានិភ័យហិរញ្ញវត្ថុ ដើម្បីបង្កើតនិងសម្របសម្រួលយន្តការសម្រាប់ជំរុញការប្រើប្រាស់មួយដែលមានប្រសិទ្ធភាពរយៈពេលវែង៕
