កាលពីថ្ងៃទី១៤ខែមករា ផ្នែកយោធាស៊ីរីបានថ្លែងថា យប់ថ្ងៃដដែល យន្តហោះចម្បាំងរបស់អ៊ីស្រាអែលបានបាញ់មីស៊ីលជាច្រើនគ្រាប់ទៅលើព្រលានយន្តហោះមួយនៅភាគកណ្តាលរបស់ស៊ីរី បណ្តាលឱ្យខូចខាតសំណង់នានា ។ បច្ចុប្បន្ននេះ គ្មានសេចក្តីរាយការណ៍ពីអ្នកស្លាប់និងរបួសទេ ។
ទីភ្នាក់ងារព័ត៌មានស៊ីរីបានដកស្រង់ដំណឹងពីផ្នែកយោធាស៊ីរីថា យប់ថ្ងៃដដែល យន្តហោះចម្បាំងអ៊ីស្រាអែលបានបាញ់មីស៊ីលជាច្រើនគ្រាប់ពីតំបន់ព្រំដែនដែលឋិតនៅភាគខាងត្បូងស៊ីរី សំដៅវាយប្រហារព្រលានយន្តហោះយោធា T4 នៃខេត្ត Homs ភាគកណ្តាលស៊ីរី ។ ប្រព័ន្ធការពារអាកាសរបស់ស៊ីរីបានបាញ់ទប់ស្កាត់និងបាញ់ទម្លាក់មីស៊ីលជាច្រើនគ្រាប់ ប៉ុន្តែគ្រាប់មីស៊ីល៤គ្រាប់នៅតែបានបាញ់ចំតំបន់គោលដៅ បណ្តាលឱ្យសំណង់មានការខូចខាត ។