បើរាប់ចាប់ពីថ្ងៃទី ១៤ ខែមករាដល់ថ្ងៃទី២៤ខែមករាដែលជាថ្ងៃដាច់ឆ្នាំ២០១៩តាមចន្ទគតិចិន គឺនៅសល់តែ ១០ ថ្ងៃទៀតប៉ុណ្ណោះ ការហាត់សមលើកទី ១ នៃកម្មវិធីរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ២០២០បានបញ្ចប់ដោយរលូននៅអគ្គស្ថានីយវិទ្យុនិងទូរទស្សន៍មជ្ឈិមចិន ។
កម្មវិធីរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ២០២០នេះមានការច្នៃប្រឌិតថ្មីជាច្រើន ពោលគឺមានឆាកសម្តែងសំខាន់នៅក្រុងប៉េកាំង ក្រុងZhengzhou ខេត្តHenanនិងមហាតំបន់ឈូងសមុទ្រក្វាងទុង-ហុងកុង-ម៉ាកាវ ។ ក្រៅពីរៀបចំកម្មវិធីសិល្បៈប្រពៃណី ដូចជាអាយ៉ៃកំប្លែង របាំ ល្ខោន រហស្សកម្មនិងសៀកជាដើម កម្មវិធីរាត្រីសមោសរលើកនេះនឹងអញ្ជើញទស្សនិកជនឱ្យចូលរួមជាមួយគ្នាផង ដើម្បីផ្តល់ជាចំណីចក្ខុប្រកបដោយគុណភាពខ្ពស់ដល់ទស្សនិកជន ។
ក្រៅពីនេះ កម្មវិធីរាត្រីសមោសរឆ្នាំនេះក៏បានសហការជាមួយកម្មវិធីAPP Kuaishou ព្រមទាំងជូនអាងប៉ាវចំនួន ១ ពាន់លានយាន់ប្រាក់ចិន ដើម្បីសម្តែងការជូនពរឆ្នាំថ្មីដល់ទស្សនិកជនផងដែរ ។
ថ្ងៃទី២៤ ខែមករា គឺថ្ងៃដាច់ឆ្នាំ២០១៩តាមចន្ទគតិចិន សូមរង់ចាំទស្សនាកម្មវិធីរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ២០២០។