ថ្ងៃទី ១៤ ខែមករា លោកស្រី Lam Cheng Yuet-ngor ប្រធានរដ្ឋបាលនៃតំបន់រដ្ឋបាលពិសេសហុងកុងប្រទេសចិនបានប្រកាសវិធានការថ្មីចំនួន ១០ សម្រាប់គោលនយោបាយស្តីពីការលើកកម្ពស់ជីវភាពរស់នៅ ដើម្បីផ្តល់ការគាំទ្របន្ថែមទៀតដល់ប្រជាជនមូលដ្ឋាន និងក្រុមមនុស្សងាយរងគ្រោះ។
លោកស្រីបានថ្លែងថា រដ្ឋបាលអាណត្តិនេះបានយកចិត្តទុកដាក់យ៉ាងខ្លាំងដល់ក្រុមមនុស្សងាយរងគ្រោះ ។ ចំនួនទឹកប្រាក់ដែលរដ្ឋបាលបានចំណាយលើការធានាសុខុមាលភាពសង្គមជាទូទៅ បានកើនពី 65300 លានដុល្លារហុងកុងក្នុងឆ្នាំ ២០១៧ - ២០១៨ ឡើងដល់ 84300 លានដុល្លារហុងកុង ក្នុងឆ្នាំ ២០១៩-២០២០។
វិធានការថ្មីចំនួន ១០ នេះគឺផ្តោតសំខាន់និងផ្តល់អត្ថប្រយោជន៍ដល់ប្រជាជនមូលដ្ឋាននិងក្រុមមនុស្សងាយរងគ្រោះចំនួនជាង ១ លាននាក់ ដូចជាជនចាស់ជរា កម្មករកម្មការិនី អ្នកបាត់បង់ការងារ អ្នកគ្មានការងារធ្វើជាដើម៕
