សំដៅចំពោះការដែលអាមេរិកប្រកាសអនុវត្តការដាក់ទណ្ឌកម្មវគ្គថ្មីទៅលើអ៊ីរ៉ង់ ហើយការដាក់ទណ្ឌកម្មនេះមានពាក់ព័ន្ធដល់សហគ្រាសចិន លោកGengshuang អ្នកនាំពាក្យក្រសួងការបរទេសចិនបានថ្លែងកាលពីថ្ងៃទី ១៣ ខែមករាថា ប្រទេសចិននិងអ៊ីរ៉ង់ធ្វើកិច្ចសហប្រតិបត្តិការជាមេត្រីភាពនិងផ្តល់ផលប្រយោជន៍ដល់គ្នាទៅវិញទៅមកក្នុងក្របខ័ណ្ឌច្បាប់អន្តរជាតិ វាសមហេតុផលនិងស្របច្បាប់ មិនប៉ះពាល់ដល់ផលប្រយោជន៍ភាគីទី ៣ នោះទេ គួរតែត្រូវបានគោរពនិងការពារ លោកដាស់តឿនដល់ភាគីអាមេរិកឱ្យបញ្ឈប់ជាបន្ទាន់នូវអំពើខុសឆ្គងដែលដាក់ទណ្ឌកម្មលើសហគ្រាសចិន ។
លោកGengshuang បានថ្លែងថា ជំហរជាគោលការណ៍នៃភាគីចិនគឺច្បាស់លាស់ណាស់ គឺភាគីចិនប្រឆាំងជានិច្ចនូវការដាក់ទណ្ឌកម្មជាឯកតោភាគីនិងយុត្តាធិការដៃវែង ។ ភាគីចិនកត់សម្គាល់ថា ដាក់ទណ្ឌកម្មនិងគំរាមកំហែងមិនអាចដោះស្រាយបញ្ហាបានឡើយ ។ ភាគីចិនតែងតែគាំទ្រជានិច្ចថា គួរតែគោរពកម្មវត្ថុនិងគោលការណ៍នៃធម្មនុញ្ញអង្គការសហប្រជាជាតិព្រមទាំងបទដ្ឋានមូលដ្ឋាននៃទំនាក់ទំនងអន្តរជាតិដើម្បីដោះស្រាយទំនាក់ទំនងរវាងរដ្ឋនិងរដ្ឋ គួរតែដោះស្រាយវិវាទនិងការខ្វែងគំនិតគ្នាតាមរយៈសន្តិវិធី ដូចជាសន្ទនាគ្នានិងចរចាគ្នាជាដើម ៕
