លោក Sergey Lavrov រដ្ឋមន្រ្តីក្រសួងការបរទេសរុស្ស៊ីបានថែ្លងកាលពីថ្ងៃទី ១៣ ខែមករា ថា កិច្ចចរចាស្តីពីបទឈប់បាញ់គ្នានៃសង្គ្រាមស៊ីវិលលីប៊ីរវាងភាគីជម្លោះទាំងពីរនៅលីប៊ីដែលបានធ្វើឡើងនៅក្រុង មូស្គូ រដ្ឋធានីរុស្ស៊ីបានទទួលការរីកចម្រើនខ្លះ។
យោងតាមការផ្សព្វផ្សាយពីប្រព័ន្ធសារព័ត៌មានរុស្ស៊ីបានឱ្យដឹងថា តាមរយៈការសម្របសម្រួលដោយរដ្ឋមន្ត្រីក្រសួងការបរទេសនិងរដ្ឋមន្រ្តីក្រសួងការពារជាតិរុស្ស៊ីនិងតួកគី មេដឹកនាំនៃភាគីជម្លោះទាំងពីរនៅលីប៊ីបានធ្វើកិច្ចចរចាដោយប្រយោលអស់រយៈពេលជាច្រើនម៉ោងនៅក្រុងមូស្គូកាលពីថ្ងៃទី ១៣ ខែមករា។លោក Sergey Lavrov បានថែ្លងថា កិច្ចចរចាទទួលបានការរីកចម្រើនខ្លះ។មេដឹកនាំនៃរដ្ឋាភិបាលសាមគ្គីជាតិលីប៊ីបានចុះហត្ថលេខាលើកិច្ចព្រមព្រៀងស្តីពីបទឈប់បាញ់គ្នា។ចំណែកមេដឹកនាំនៃកងកម្លាំងជាតិលីប៊ីបានថែ្លងថា កិច្ចព្រមព្រៀងនេះចាំបាច់ត្រូវធ្វើការសិក្សាលម្អិតសិន នោះ រហូតដល់ព្រឹកថ្ងៃទី ១៤ ទើបអាចសម្រេចចិត្តថា តើត្រូវចុះហត្ថលេខាឬអត់។
យោងតាមកិច្ចព្រមព្រៀងនេះ ភាគីជម្លោះទាំងពីរនៅលីប៊ីគួរតែអនុវត្តបទឈប់បាញ់គ្នាដោយគ្មានលក្ខខណ្ឌដើម្បីធ្វើឱ្យរដ្ឋធានី ទ្រីប៉ូលីនិងទីក្រុងដទៃទៀតស្ថិតក្នុងស្ថានភាពស្ថិរភាព៕