អគ្គស្ថានីយវិទ្យុនិងទូរទស្សន៍មជ្ឈិមចិនបានចេញផ្សាយបទអត្ថាធិប្បាយមួយកាលពីថ្ងៃទី ៣ ខែមករាថា កាសែត «The New York Times » បានសរសេររឿងប្រលមលោកមួយទៀតដើម្បីមួលបង្កាច់ភាពមានការងាធ្វើនៅភូមិភាគស្វយ័ត Xin jiang ប្រទេសចិន ។
បទអត្ថាធិប្បាយនេះបានថ្លែងថា កាសែត «The New York Times » បានចុះផ្សាយអត្ថបទមួយកាលពីពេលថ្មីៗនេះថា រដ្ឋបាល Xinjiangនៃប្រទេសចិនបានបង្ខំឱ្យជនជាតិភាគតិច Uygur ជាដើមធ្វើពលកម្ម ។ ការចោទប្រកាន់បែបនេះមិនបានឆ្លុះបញ្ចាំងពីការពិតឡើយ ដោយបានមួលបង្កាច់ដោយចេតនាចំពោះការងារធម្មតារបស់រដ្ឋបាលតំបន់ក្នុងការកាត់បន្ថយភាពក្រីក្រនិងបង្កើនឱកាសការងារ ។
បទអត្ថាធិប្បាយនេះបានថ្លែងថា ការពិតបានបញ្ជាក់ថា ការផ្តល់ឱកាសការងារនិងកាត់បន្ថយភាពក្រីក្របានកែលម្អជីវភាពរស់នៅរបស់ប្រជាជនក្នុងតំបន់ Xinjiang និងបានទប់ស្កាត់ការបញ្ជ្របមនោគមន៍វិជ្ជាបែបគំនិតជ្រុលនិយមប្រកបដោយប្រសិទ្ធិភាព ព្រមទាំងបានគាំពារភាពរុងរឿងនិងស្ថិរភាពនៃតំបន់Xinjiang ផងដែរ។ ប៉ុន្តែ ដោយសារមានគំនិតប្រឆាំងរដ្ឋាភិបាលចិនយ៉ាងរឺមុតមាំ ដូច្នេះ ប្រព័ន្ធផ្សព្វផ្សាយនៃបស្ចិមប្រទេស ដូចជាកាសែត «The New York Times » ជាដើមតែងតែល្មើសនឹងក្រមសិលធម៌វិជ្ជាជីវៈសារពត៌មានស្តីពីការពិត ដោយបានផ្សាយព័ត៌មានតាមរយៈទម្រង់នៃរឿងប្រលោមលោក ដើម្បីមួលបង្កាច់គោលនយោបាយរបស់ចិនក្នុងការគ្រប់គ្រងតំបន់Xinjiang ក្នុងន័យចង់ធ្វើឱ្យសហគមន៍អន្តរជាតិមានការភាន់ច្រឡំ ។
បទអត្ថាធិប្បាយនេះបានបញ្ជាក់ថា ការពិតគឺមិនអាចលាក់បាំងបានឡើយ ។ នៅឆ្នាំ២០២០ តំបន់ Xinjiang រួមជាមួយនឹងតំបន់ផ្សេងទៀតនៃប្រទេសចិននឹងដើរទៅមុខទន្ទឹមគ្នាដើម្បីសម្រេចបាននូវគោលដៅនៃការលុបបាត់ភាពក្រីក្រទាំងស្រុង ក៏ដូចជាទទួលបានភាពរុងរឿងប្រកបដោយស្ថិរភាព ។ នៅចំពោះមុខការពិត ព័ត៌មានជារឿងប្រលោមលោកដែលប្រព័ន្ធផ្សព្វផ្សាយនៃបស្ចិមប្រទេសបានសរសេរនោះជារឿងគួរឱ្យអស់សំណើចមួយ ។
