ពេលកន្លងទៅថ្មីៗនេះ គណៈកម្មាធិការច្បាប់ពន្ធគយនៃក្រុមប្រឹក្សាកិច្ចការរដ្ឋចិនបានចេញសេចក្តីជូនដំណឹងថា នឹងបញ្ចុះពន្ធនាំចូលលើផលិតផលមួយចំនួន ដូចជាសាច់ជ្រូក ផ្លែបឺរនិងគ្រឿងបង្គុំនិងបន្លាស់រថយន្តជាដើម ។ ការបញ្ចុះពន្ធគយដោយម្ចាស់ការរបស់ប្រទេសចិនលើកនេះអាចបំពេញតម្រូវការលើជីវភាពរស់នៅរបស់ប្រជាជននិងតម្រូវការទីផ្សារឱ្យកាន់តែល្អប្រសើរ ជំរុញការអភិវឌ្ឍនៃឧស្សហកម្មបច្ចេកទេសខ្ពស់និងថ្មី គឺជាការខិតខំប្រឹងប្រែងម្តងទៀតរបស់ប្រទេសចិនដើម្បីពង្រីកការនាំចូល បង្កើនសក្តានុពលនាំចូលនិងធ្វើឲ្យរចនាសម័្ពន្ធនាំចូលកាន់តែប្រសើរឡើងដែលបានបង្ហាញឱ្យឃើញថា ប្រទេសចិនកំពុងអនុវត្តនូវអ្វីដែលបានកំណត់ជាស្រេច សំដៅជំរុញយ៉ាងមុតមាំនូវកំណែទម្រង់ ការបើកទូលាយនិងការអភិវឌ្ឍសេដ្ឋកិច្ចប្រកបដោយគុណភាពខ្ពស់ ដើម្បីជំរុញការកសាងសេដ្ឋកិច្ចពិភពលោកបែបបើកទូលាយ ៕