កិច្ចប្រជុំភាគីចុះហត្ថលេខាលើ«អនុសញ្ញាក្របខ័ណ្ឌស្តីពីបម្រែបម្រួលអាកាសធាតុអង្គការសហប្រជាជាតិ» លើកទី ២៥ បានបើកធ្វើឡើងនៅទីក្រុងម៉ាឌ្រីដ រដ្ឋធានីអេស្ប៉ាញកាលពីថ្ងៃទី ២ ខែធ្នូ។ តំណាងនៃបណ្តាប្រទេសនានានឹងធ្វើការពិភាក្សាស្តីពីការងារលម្អិតនៃការអនុវត្ត«សន្ធិសញ្ញាក្រុងប៉ារីស»។
គណៈប្រតិភូចិនបានថ្លែងថា ឥឡូវនេះគ្រប់ភាគីទាំងអស់គួរតែទប់ទល់នឹងបញ្ហាបម្រែបម្រួលអាកាសធាតុជាបន្ទាន់ តាមរយៈការអនុវត្តសកម្មភាពជាក់ស្តែង។ ក្នុងនាមជាប្រទេសកំពុងអភិវឌ្ឍន៍ដ៏ធំបំផុត និងជាប្រទេសធំដែលមានទំនួលខុសត្រូវ ចិននឹងគាំទ្រយ៉ាងពេញទំហឹងចំពោះពហុភាគីនិយម។
លោក Antonio Guterres អគ្គលេខាធិការអង្គការអ.ស.ប.បានបញ្ជាក់ថា ចាំបាច់ត្រូវសម្រេចឱ្យបាននូវការដំណើរការដោយគ្រប់ជ្រុងជ្រោយក្រោមក្របខ័ណ្ឌ«សន្ធិសញ្ញាក្រុងប៉ារីស»។ យើងមិនត្រូវភ្លេចទេថា ដល់ឆ្នាំ ២០២០ ប្រទេសអភិវឌ្ឍន៍ត្រូវបំពេញគោលដៅក្នុងការផ្តល់ទឹកប្រាក់ចំនួន ១ សែនលាន ដុល្លាអាមេរិកដល់ប្រទេសកំពុងអភិវឌ្ឍន៍ជារៀងរាល់ឆ្នាំ ដើម្បីទប់ទល់នឹងបម្រែបម្រួលអាកាសធាតុ។
សូមបញ្ជាក់ថា មហាសន្និបាតលើកនេះធ្វើឡើងចាប់ពីថ្ងៃទី ២ ដល់ថ្ងៃទី ១៣ ខែធ្នូនេះ៕