ពេលថ្មីៗកន្លងទៅនេះ មជ្ឈដ្ឋាននានានៃតំបន់ហុងកុងបានថ្លែងថា ភាគីអាមេរិកបានចុះហត្ថលេខាលើសេចក្តីព្រាងច្បាប់ស្តីពីសិទ្ធិមនុស្សនិងប្រជាធិបតេយ្យតំបន់ហុងកុងឱ្យជាច្បាប់ផ្លូវការ ទង្វើនេះមិនអើពើការពិត ធ្វើឱ្យសប្រែជាខ្មៅ មិនអើពើនឹងគោលបំណងយ៉ាងខ្លាំងរបស់អ្នកក្រុងហុងកុងដែលចង់បង្ក្រាបអំពើហិង្សានិងចលាចល និងស្តាររបៀបរៀបរយឱ្យល្អដូចមុនឡើងវិញ ប៉ុនប៉ងជ្រៀតជ្រែកកិច្ចការតំបន់ហុងកុងដើម្បីទប់ស្កាត់ការអភិវឌ្ឍរបស់ប្រទេសចិនគឺមុខជានឹងបរាជ័យមិនខាន ។
លោក Deng Decheng សហប្រធាននៃសមាគមស្រាវជ្រាវគោលនយោបាយតំបន់ហុងកុងបាននិយាយថា កិច្ចការតំបន់ហុងកុងគ្មានទំនាក់ទំនងអ្វីជាមួយនឹងសហរដ្ឋអាមេរិកនោះទេ ។ កិច្ចការតំបន់ហុងកុងគឺជាកិច្ចការផ្ទៃក្នុងរបស់ចិន ។ ពិភពលោកមិនត្រូវការ “ប៉ូលិសពិភពលោក”ទេ តាមការពិតនេះគឺជាអនុត្តរភាពម្យ៉ាង យើងប្រឆាំងដាច់ខាតចំពោះរឿងបែបនេះ ។
លោក Wu Huanyan ប្រធានសហគមន៍ខេត្តហ្វូជានតំបន់ហុងកុងបានសម្គាល់ថា តំបន់ហុងកុងមានចលាចលរហូតដល់ពេលបច្ចុប្បន្ននេះ គឺមានកម្លាំងប៉ែកខាងលិច ជាពិសេសកម្លាំងរបស់សហរដ្ឋអាមេរិកបានជ្រៀតជ្រែកនៅពីក្រោយ ។ ប៉ុន្តែយើងពឹងផ្អែកលើមាតុប្រទេសរបស់យើង ហើយមានជំនឿចិត្តយ៉ាងខ្លាំងថា តំបន់ហុងកុងមុខជានឹងមានភាពប្រក្រតីជាថ្មីឡើងវិញ ព្រមទាំងបន្តមានស្ថិរភាពនិងវិបុលភាព ។
