កាលពីថ្ងៃទី៣ខែធ្នូ កាសែតប្រជាជនចិនបានចេញផ្សាយបទអត្ថាធិប្បាយមួយក្រោមចំណងជើងថា “ការយកតំបន់ហុងកុងជាឧបករណ៍ដើម្បីប្រឆាំងនឹងប្រទេសចិនគឺជាការភាន់ច្រលំ ហើយវាមិនអាចជោគជ័យបានទេ” ។
អត្ថបទនិយាយថា អ្នកនយោបាយមួយចំនួនរបស់អាមេរិកបានជ្រៀតជ្រែកកិច្ចការតំបន់ហុងកុង យកលេសលើបញ្ហា “សិទ្ធិមនុស្ស”និង “ប្រជាធិបតេយ្យ” ធ្វើឱ្យសប្រែជាខ្មៅ ប្រែត្រូវទៅជាខុស ។ នេះមិនត្រឹមតែប្រឆាំងនឹងអ្នកក្រុងហុងកុងចំនួនជាង៧លាននាក់ប៉ុណ្ណោះទេ ថែមទាំងប្រឆាំងនឹងប្រជាជនចិនចំនួន១ពាន់៤រយលាននាក់ផងដែរ ។ ម្យ៉ាងវិញទៀត ប្រឆាំងនឹងយុត្តិធម៌ពិភពលោកនិងគោលការណ៍មូលដ្ឋានអន្តរជាតិថែមទៀត មុខជានឹងរងនូវការថ្កោលទោសជាទូទៅពីសហគមន៍អន្តរជាតិមិនខាន ។ ដាស់តឿនឱ្យភាគីអាមេរិកបញ្ឈប់ការជ្រៀតជ្រែកកិច្ចការតំបន់ហុងកុងជាបន្ទាន់ ។