កាលពីថ្ងៃទី២ខែធ្នូ កិច្ចសន្ទនាស្តីពីកិច្ចសហប្រតិបត្តិការរវាងអាស៊ីនិងអឺរ៉ុបលើកទីពីរនៃវេទិកាអាស៊ីពួអាវបានធ្វើឡើងនៅក្រុង Chongqing ប្រទេសចិន ។ តំណាងមកពីប្រទេសនិងតំបន់ចំនួន២១និងអង្គការអន្តរជាតិចំនួនបីបានចូលរួមកិច្ចប្រជុំនេះ ដើម្បីរួមគ្នាពិគ្រោះពិភាក្សាអំពីនិម្មាបនកម្មថ្មីនៃការគ្រប់គ្រងនិងកិច្ចសហប្រតិបត្តិការរវាងអាស៊ីនិងអឺរ៉ុប ពិភាក្សាអំពីគំនិតថ្មីនៃកិច្ចសហប្រតិបត្តិការអន្តរជាតិស្តីពីខ្សែក្រវាត់និងផ្លូវ និងចែករំលែកសមិទ្ធផលថ្មីនៃកិច្ចសហប្រតិបត្តិការរវាងអាស៊ីនិងអឺរ៉ុបជាមួយគ្នា ។
លោកបានគីមូន ប្រធាននៃវេទិកាអាស៊ីពួអាវបានថ្លែងថា ពិតមែនតែអឺរ៉ុបជាអ្នកនាំមុខខាងបច្ចេកវិទ្យាកាលពីអតីតកាល ហើយអាស៊ីជាអ្នករៀនសូត្រតាមក្តី ក៏ប៉ុន្តែអាស៊ីកំពុងរីកចម្រើនឡើងឆាប់រហ័ស ហើយបាននាំមុខក្នុងវិស័យមួយចំនួន ។ ភាគីទាំងពីរអាស៊ីនិងអឺរ៉ុបគួរតែរួមគ្នាបោះជំហានទៅកាន់បដិវត្តវិទ្យាសាស្ត្រនិងបច្ចេកវិទ្យាវគ្គថ្មីមួយ ។
ថ្ងៃដដែល ភ្ញៀវកិត្តិយសនិងតំណាងជាង៤០០នាក់បានពិភាក្សាគ្នាយ៉ាងផុលផុសជុំវិញ “ខ្សែក្រវាត់និងផ្លូវ”តភ្ជាប់នឹងយុទ្ធសាស្ត្រការអភិវឌ្ឍនៃអឺរ៉ុប និង“ទស្សនវិស័យនិងបញ្ហាប្រឈមសកលភាវូបនីយកម្មហិរញ្ញវត្ថុ”ជាដើម ។
