លោក Wang qun តំណាងអចិន្ត្រៃយ៍របស់ចិនប្រចាំនៅអង្គការសហប្រជាជាតិនិងអង្គការអន្តរជាតិដទៃទៀតនៅទីក្រុងវីយែនបានថ្លែងកាលពីថ្ងៃទី ២ ខែធ្នូថា ប្រទេសចិននឹងបន្តគាំទ្រដល់ការងាររបស់អង្គការថាមពលបរមាណូអន្តរជាតិតទៅទៀត។
នាថ្ងៃដដែលនោះ មហាសន្និបាតពិសេសនៃអង្គការថាមពលបរមាណូអន្តរជាតិបានតែងតាំងលោក Rafael Mariano Grossi មន្រ្តីការទូតរបស់អាហ្សង់ទីនជាអគ្គនាយក អាណត្តិថ្មី។លោកបានចូលកាន់មុខតំណែងជាផ្លូវការនៅថៃ្ងទី ៣ ខែធ្នូនេះ ក្នុងអាណត្តិ ៤ ឆ្នាំ។
លោក Wang qun បានថែ្លងថា ពិភពលោកនាពេលបច្ចុប្បន្ននេះ គឺស្ថិតក្នុងដំណាក់កាលនៃការផ្លាស់ប្តូរយ៉ាងជ្រាលជ្រៅនៃប្រវត្តិសាស្រ្ត ហើយអង្គការថាមពលបរមាណូអន្តរជាតិមានទំនួលខុសត្រូវយ៉ាងសំខាន់អំពីការប្រើប្រាស់ថាមពលនុយគ្លេអ៊ែរដោយសន្តិវិធីនិងការការពារការរីកសាយភាយអាវុធនុយគ្លេអ៊ែរ។លោករំពឹងថា លោកអគ្គនាយក Rafael Mariano Grossi នឹងគោរពតាមគោលការណ៍ប្រកបដោយភាពសត្យានុម័ត អព្យាក្រឹត យុត្តិធម៌និងវិជ្ជាជីវៈ សាមគ្គីគ្នាជាមួយបណ្តាប្រទេសនានាជាសមាជិកទាំងអស់ដើម្បីចូលរួមវិភាគទានកាន់តែធំធេងក្នុងការជំរុញ"ថាមពលបរមាណូសម្រាប់សន្តិភាពនិងការអភិវឌ្ឍ"៕
