កាលពីយប់ថ្ងៃទី ១ ខែធ្នូ លោកលីខឺឈាង នាយករដ្ឋមន្ត្រីចិនបានសន្ទនាទូរស័ព្ទជាមួយលោកស្រីUrsula von der Leye ប្រធានថ្មីនៃគណៈកម្មាធិការសហភាពអឺរ៉ុប ។
លោកលីខឺឈាងបានថ្លែងថា ចិននិងអឺរ៉ុបគឺជាដៃគូសហប្រតិបត្តិការសំខាន់ទៅវិញទៅមក ។ ការធ្វើឱ្យកិច្ចសហប្រតិបត្តិការដោយគ្រប់ជ្រុងជ្រោយមានភាពស៊ីជម្រៅ មិនត្រឹមតែផ្តល់ផលប្រយោជន៍ដល់ចិននិងអឺរ៉ុបប៉ុណ្ណោះទេ ថែមទាំងមានផលប្រយោជន៍ដល់ពិភពលោកផងដែរ ។ ក្នុងនាមជាប្រទេសកំពុងអភិវឌ្ឍន៍ធំបំផុតលើពិភពលោក ប្រទេសចិននឹងសកម្មអនុវត្តតាមកិច្ចសន្យាក្នុងកិច្ចព្រមព្រៀងក្រុងប៉ារីស បន្តកែលំអបរិស្ថានក្នុងដំណើរការឧស្សាហូបនីយកម្ម នគរូបនីយកម្មនិងទំនើបកម្មនៃកសិកម្ម ។
លោកស្រីUrsula von der Leye បានថ្លែងថា អឺរ៉ុបបានយកចិត្តទុកដាក់ខ្ពស់ដល់ទំនាក់ទំនងរវាងអឺរ៉ុបនិងចិន ។ លោកទន្ទឹងរង់ចាំទៅប្រទេសចិននៅឆ្នាំ ២០២០ ដើម្បីចូលរួមជំនួបមេដឹកនាំរវាងសហភាពអឺរ៉ុបនិងចិនលើកទី ២២ ។ គណៈកម្មាធិការសហភាពអឺរ៉ុបអាណត្តិថ្មីរីករាយបង្កើនកិច្ចសហប្រតិបត្តិការជាមួយភាគីចិនក្នុងការតទល់នឹងបម្រែបម្រួលអាកាសធាតុនិងកំណែទម្រង់នៃអង្គការពាណិជ្ជកម្មពិភពលោកជាដើម ដើម្បីជំរុញឱ្យទំនាក់ទំនងរវាងអឺរ៉ុបនិងចិនអភិវឌ្ឍទៅមុខជាបន្តបន្ទាប់ ៕
