តបតាមសេចក្តីអញ្ជើញ ក្រុមភ្លេងស៊ីមហ្វូនីនៃរោងល្ខោនជាតិចិនបានទៅបំពេញទស្សនកិច្ចនិងធ្វើការសម្តែងជាមេត្រីភាពនៅប្រទេសកូរ៉េខាងជើងចាប់ពីថ្ងៃទី ២៩ ខែវិច្ឆិកាដល់ថ្ងៃទី ២ ខែធ្នូឆ្នាំ ២០១៩។ លោក Pak Kwang-ho និងលោក Ri Su-yong ដែលជាសមាជិកការិយាល័យនយោបាយនៃគណៈកម្មាធិការមជ្ឈិមបក្សពលករកូរ៉េខាងជើង ,អ្នកទទួលខុសត្រូវមកពីគ្រប់ក្រសួងស្ថាប័នរដ្ឋាភិបាលនិងបក្ស និងឥស្សរជនគ្រប់មជ្ឈដ្ឋានកូរ៉េខាងជើងបានចូលរួមទស្សនាការសម្តែង។ ភាគីកូរ៉េខាងជើងបានវាយតម្លៃខ្ពស់ចំពោះទេពកោសលសិល្បៈដ៏អស្ចារ្យនៃសិល្បករសិល្បការិនីចិន ព្រមទាំងបានថ្លែងថា ការសម្តែងនិងទស្សនកិច្ចលើកនេះបានជួយបង្កើនបន្ថែមនូវមនោសញ្ចេតនាមេត្រីភាពរវាងប្រជាជនប្រទេសទាំងពីរ ក៏ដូចជាបានដើរតួនាទីយ៉ាងវិជ្ជមានដល់ការរឹតចំណងមិត្តភាពប្រពៃណីរវាងប្រទេសទាំងពីរកូរ៉េខាងជើងនិងចិនឱ្យកាន់តែស៊ីជម្រៅថែមទៀត៕