ប្រទេសចិនបានប្រកាសគ្រោងផែនការអភិវឌ្ឍន៍ស្តីពីការធ្វើសមាហរណកម្មនៅតំបន់ដីសណ្តទន្លេយ៉ាងសេកាលពីថ្ងៃទី១ខែធ្នូ នេះជាវិធានការដ៏សំខាន់មួយសម្រាប់បំពេញបន្ថែមលើការងារនៃកំណែទម្រង់និងការបើកទូលាយនៃប្រទេសចិនដែលនឹងគួបផ្សំគ្នាជាមួយកិច្ចកសាងខ្សែក្រវាត់និងផ្លូវនិងកិច្ចកសាងមហាតំបន់ឈូងសមុទ្រក្វាងទុង ហុងកុងនិងម៉ាកាវជាដើម។
តំបន់ដីសណ្តទន្លេយ៉ាងសេជាតំបន់មួយដែលមានកម្លាំងច្នៃប្រឌិតថ្មីយ៉ាងខ្លាំងក្លាបំផុតនៃប្រទេសចិន ទំហំសេដ្ឋកិច្ចនៃតំបន់នេះត្រូវជា១ភាគ៤នៃប្រទេសទាំងមូល។
ក្របខ័ណ្ឌនៃគម្រោងផែនការអភិវឌ្ឍន៍នេះគ្របដណ្តប់ទីក្រុងស៊ាងហៃ ខេត្តJiangsuខេត្តZhejiangនិងខេត្តAnhuiដែលមានទំហំជាង៣សែន៥ម៉ឺនគីឡូម៉ែត្រការ៉េ។យុទ្ធសាស្រ្តអភិវឌ្ឍន៍នៅតំបន់នេះគឺបង្កើតប៉ូលកំណើនសម្រាប់ការអភិវឌ្ឍយ៉ាងខ្លាំងក្លានិងរស់រវើក សម្រេចឱ្យទៅជាតំបន់នាំមុខគេផ្នែកទំនើបភាវូបនីយកម្មជាដើម។
គម្រោងផែនការនេះបានកំណត់ថា ត្រឹមឆ្នាំ២០២៥ តំបន់នេះនឹងសម្រេចគោលដៅដូចជាអត្រានគរូបនីយកម្មនៃប្រជាជនឡើងដល់៧០ភាគរយ អត្រាប្រព័ន្ធ5Gគ្របដណ្តប់ឡើងដល់៨០ភាគរយជាដើម។
