ក្រសួងការបរទេសបារាំងបានប្រកាសសេចក្តីថ្លែងការណ៍មួយកាលពីថ្ងៃទី៣០ខែវិចិ្ឆកាថា បារាំង អាល្លឺម៉ង់និងអង់គ្លេសស្វាគមន៍ប្រទេសអឺរ៉ុបចំនួន៦ដូចជាបែលហ្ស៊ិកជាដើមចូលរួមយន្តការទូទាត់ INSTEX នៃការធ្វើពាណិជ្ជកម្មជាមួយនឹងអ៊ីរ៉ង់ ដើម្បីគាំពារពាណិជ្ជកម្មស្របច្បាប់រវាងអឺរ៉ុបនិងអ៊ីរ៉ង់ ។
សេចក្តីថ្លែងការណ៍បានគូសបញ្ជាក់ម្តងទៀតនូវសារសំខាន់នៃការអនុវត្តកិច្ចព្រមព្រៀងស្តីពីនុយគ្លេអ៊ែរអ៊ីរ៉ង់ដោយគ្រប់ជ្រុងជ្រោយនិងមានប្រសិទ្ធភាព ។ សេចក្តីថ្លែងការណ៍ថ្លែងថា នឹងបន្តគាំទ្រការដោះស្រាយបញ្ហាមានពាក់ព័ន្ធតាមរយៈការខិតខំប្រឹងប្រែងការទូត ។
យន្តការទូទាត់ INSTEX បានបង្កើតឡើងនៅដើមឆ្នាំ២០១៩នេះ គឺជាយន្តការទូទាត់ប្រាក់ក្រៅប្រព័ន្ធហិរញ្ញវត្ថុពិភពលោកដែលដឹកនាំដោយសហរដ្ឋអាមេរិក ដែលអាចជួយឱ្យសហគ្រាសអឺរ៉ុបបញ្ចៀសពីការដាក់ទណ្ឌកម្មជាឯកតោភាគីរបស់អាមេរិកទៅលើអ៊ីរ៉ង់ នាំឱ្យសហភាពអឺរ៉ុបបន្តធ្វើពាណិជ្ជកម្មជាមួយអ៊ីរ៉ង់ ។
