徐晓霞
Please select the login method

ព័ត៌មាន​សំខាន់​ៗ​

Music Radio

00:00:00 /
00:00:00

លោកប្រធានរដ្ឋចិនស៊ីជីនភីងនឹងអញ្ជើញទៅបំពេញទស្សនកិច្ចនៅឯនាយសមុទ្រជាមួយនឹងការទន្ទឹងរង់ចាំនូវលទ្ធផល

2019-11-08 11:14:32 cri

    កាលពី​ថ្ងៃទី ៧ ខែវិច្ឆិកា ក្រសួង​ការបរទេស​ចិន​បាន​រៀបចំធ្វើ​សន្និសីទ​សារព័ត៌មាន​ជាតិ​និង​អន្តរជាតិ ជុំវិញ​គម្រោង​ដំណើរទស្សនកិច្ច​ផ្លូវរដ្ឋ​របស់​លោកស៊ីជីនភីង ប្រធាន​រដ្ឋចិន​នៅក្រិក​ព្រមទាំង​អញ្ជើញ​ចូលរួម​កិច្ចជំនួប​លើកទី ១១ នៃ​មេដឹកនាំ​ប្រទេស​BRICS​នៅប្រេស៊ីល ។ ក្រសួង​ការបរទេស​បានឱ្យដឹងថា ដំណើរ​ទស្សនកិច្ច​របស់​លោកស៊ីជីនភីង​លើកនេះ​ត្រូវបានគេ​ទន្ទឹងរង់ចាំ​ចំពោះ​លទ្ធផល ។

    កិច្ចជំនួប​មេដឹកនាំ​ប្រទេស​BRICS​លើកទី ១១ ដែលមាន​ប្រធានបទ​ផ្តោតលើ​កំណើន​សេដ្ឋកិច្ច​ស្តីពី​ការបង្កើត​អនាគត​បែប​ច្នៃប្រឌិតថ្មី នឹង​ធ្វើឡើង​នៅ​រដ្ឋធានី​ប្រេស៊ីល​ពីថ្ងៃទី ១៣ ដល់ទី ១៤ ខែវិច្ឆិកា ។ លោក​Ma Zhaoxu អនុរដ្ឋមន្ត្រី​ក្រសួង​ការបរទេសចិន​ថ្លែងថា វត្តមាន​របស់​លោកស៊ីជីនភីង​ក្នុង​កិច្ចជំនួប​លើកនេះ​គឺជា​ការអនុវត្ត​សកម្មភាព​ការទូត​ដ៏សំខាន់​មួយ​របស់​ប្រទេសចិន​សម្រាប់​ទីផ្សារថ្មី​និង​ប្រទេស​កំពុងអភិវឌ្ឍន៍ ។ ដល់ពេលនោះ លោកស៊ីជីនភីង​នឹង​អញ្ជើញ​ចូលរួម​ពិធីបិទ​វេទិកា​ឧស្សាហកម្ម​និង​ពាណិជ្ជកម្ម​នៃ​ប្រទេស​BRICS កិច្ចជំនួប​រវាង​មេដឹកនាំ​និង​សកម្មភាព​មួយចំនួន​ទៀត ព្រមទាំង​ថ្លែង​សុន្ទរកថា​ផងដែរ ។

    លោក​Ma Zhaoxu បាន​បន្តទៀតថា ភាគីចិន​រីករាយ​រួមជាមួយ​ភាគីប្រេស៊ីល​និង​បណ្តាភាគី​ទាំងអស់ ដើម្បី​ជំរុញ​កិច្ចជំនួប​លើកនេះ​ឱ្យទទួលបាន​លទ្ធផល​គាប់ប្រសើរ ។ ភាគីចិន​ជឿជាក់ថា នៅក្រោម​កិច្ចខិតខំ​ប្រឹងប្រែងរួម​នៃបណ្តាភាគី​និង​ការដឹកនាំ​នយោបាយ​របស់​មេដឹកនាំ ប្រទេស​BRICS​មុខជានឹង​រួមវិភាគទាន​កាន់តែធំថ្មី​ក្នុងការជំរុញ​សន្តិភាព​និង​វឌ្ឍនភាព​ពិភពលោក​និង​ការកសាង​សហគមន៍​រួមវាសនា​នៃមនុស្សជាតិ ៕

អ្នកបកប្រែ:徐晓霞

ពិភាក្សា()