ពិព័រណ៍ពាណិជ្ជកម្មផែ្នកសេវាកម្មស្តីពីគំនិតផ្តួចផ្តើម"ខ្សែក្រវ៉ាត់និងផ្លូវ" នៃពិព័រណ៍នាំចូលចិនអន្តរជាតិលើកទី ២ បានធ្វើឡើងនៅទីក្រុងសៀងហៃកាលពីថ្ងៃទី ៧ ខែវិច្ឆិកា។លោក Vladimiy Norov អគ្គលេខាធិការនៃអង្គការសហប្រតិបត្តិការសៀងហៃបានចង្អុលបង្ហាញនៅក្នុងកិច្ចប្រជុំនេះថា គំនិតផ្តួចផ្តើម"ខ្សែក្រវ៉ាត់និងផ្លូវ" បានក្លាយជាកម្លាំងចលករថ្មីមួយដើម្បីជំរុញការអភិវឌ្ឍលើគ្រប់វិស័យ ដូចជាគមនាគមន៍ ចរាចរណ៍ទំនិញជាដើមនៅក្នុងបណ្តាប្រទេសជាសមាជិកនានានៃអង្គការសហប្រតិបត្តិការសៀងហៃថែមមួយកម្រិតទៀត។
លោក Vladimiy Norov បានសង្កត់ធ្ងន់ថា បន្ទាប់ពីពិព័រណ៍នាំចូលចិនអន្តរជាតិលើកដំបូង បណ្តាប្រទេសនៅតាមបណ្តោយ"ខ្សែក្រវ៉ាត់និងផ្លូវ" បានក្លាយជាទីផ្សារនាំចូលដ៏សំខាន់សម្រាប់ប្រទេសចិន។គំនិតផ្តួចផ្តើម"ខ្សែក្រវ៉ាត់និងផ្លូវ" បានលើកកម្ពស់ការអភិវឌ្ឍជាទូទៅនៃសេដ្ឋកិច្ចជាតិនិងសុខុមាលភាពសង្គមនៃបណ្តាប្រទេសនៅតាមបណ្តោយ។លោករំពឹងថា ពិព័រណ៍នាំចូលចិនអន្តរជាតិលើកទី ២នឹងជំរុញការអភិវឌ្ឍលើវិស័យ គមនាគមន៍ ចរាចរណ៍ទំនិញនិងពាណិជ្ជកម្មផែ្នកសេវាកម្មក្នុងក្របខ័ណ្ឌនៃគំនិតផ្តួចផ្តើម"ខ្សែក្រវ៉ាត់និងផ្លូវ" ជាពិសេស គឺពង្រឹងការអភិវឌ្ឍនៃសេដ្ឋកិច្ចនៅទូទាំងតំបន់អឺរ៉ុបនិងអាស៊ី៕