« ខ្ញុំឯកភាពខ្លាំងចំពោះប្រសាសន៍របស់លោកប្រធានរដ្ឋចិន ស៊ី ជីនភីង ដែលបានលើកឡើងថា -- ទីផ្សារចិនធំបែបនេះ ស្វាគមន៍អ្នកទាំងអស់គ្នាចូលរួម។ ពិព័រណ៍នាំចូលចិនអន្តរជាតិ (CIIE)បានបង្ហាញយ៉ាងពេញលេញថា ប្រទេសចិនមានឆន្ទៈចែករំលែកនូវលទ្ធផលអភិវឌ្ឍន៍ជាមួយសកលលោក។ »
-- នេះបើតាមលោកប្រធានសភាពាណិជ្ជកម្មម៉ាឡេស៊ី ។
លោកបានបន្តថា ទីផ្សារចិនមានទំហំធំសម្បើមណាស់ ដោយសារមានប្រជាជនជាង 1000 លាននាក់ អាចជួយដល់ការអភិវឌ្ឍនៃសហគ្រាសម៉ាឡេស៊ី។ ថែមពីនេះទៀត ប្រទេសចិនកាន់តែបើកទូលាយ រក្សាបាននូវកំណើនសេដ្ឋកិច្ច ហើយមានឆន្ទៈចែករំលែកនូវលទ្ធផលជាមួយសកលលោក និង “ចាប់ដៃ” គ្នា ដែលនេះមានប្រយោជន៍ដល់ការអភិវឌ្ឍនៃសេដ្ឋកិច្ចពិភពលោក។
សូមបញ្ជាក់ថា សហគ្រាសម៉ាឡេស៊ីចំនួន ២៩ បានចូលរួមពិព័រណ៍នាំចូលចិនអន្តរជាតិលើកនេះ ដោយបានបង្ហាញម៉ាកជាតិម៉ាឡេស៊ីចំនួនជាង ៥០ ។ គ្រប់មជ្ឈដ្ឋានម៉ាឡេស៊ីសុទ្ធតែវាយតម្លៃខ្ពស់ចំពោះលទ្ធផលដែលទទួលបានពីការបន្តចូលរួមពិព័រណ៍ CIIE នៅចិន ហើយបានបង្ហាញជាបន្តបន្ទាប់ថា នឹងចូលរួមពិព័រណ៍លើកក្រោយទៀត៕