ក្នុងឋានៈជាវេទិកាចិនសម្រាប់ទិញទំនិញទូទាំងពិភពលោកនិងផ្តល់ផលប្រយោជន៍ដល់ទូទាំងពិភពលោក ។ ពិព័រណ៍នាំចូលចិនអន្តរជាតិបានផ្តល់ឱកាសសំខាន់សម្រាប់ការពង្រីកទីផ្សារពិភពលោកនិងនាំឱ្យប្រទេសនានាធ្វើដំណើរតាមរថយន្តល្បឿនលឿននៃការអភិវឌ្ឍរបស់ចិន ។ ជាពិសេស ចំពោះប្រទេសកំពុងអភិវឌ្ឍន៍ភាគច្រើន ពិព័រណ៍នាំចូលចិនអន្តរជាតិដែលយក “ការចែករំលែក”ជាគំនិតស្នូលបានផ្តល់ឱកាសយុត្តិធម៌សម្រាប់ពួកគេក្នុងការប្រកួតប្រជែងជាមួយនឹងពាណិជ្ជករនៃប្រទេសអភិវឌ្ឍន៍ ។
ប្រទេសចិនមានទីផ្សារអ្នកប្រើប្រាស់ច្រើនជាងគេលើពិភពលោក ហើយនិន្នាការនៃចំនួនអ្នកប្រើប្រាស់មានការកើនឡើងគួរឱ្យកត់សម្គាល់។វេទិកាផ្តល់ផលប្រយោជន៍ដល់គ្នាទៅវិញទៅមកដែលពិព័រណ៍នាំចូលចិនអន្តរជាតិលើកទី២បានបង្កើតឡើង បានជួយផលិតផលដែលមានលក្ខណៈពិសេសរបស់ប្រទេសកំពុងអភិវឌ្ឍន៍ជាច្រើនស្វែងរកបាននូវឱកាសពាណិជ្ជកម្មនៅទីផ្សារចិនផងដែរ។
ប្រទេសកំពុងអភិវឌ្ឍន៍មានការចាប់អារម្មណ៍យ៉ាងជ្រាលជ្រៅចំពោះការប្រកាន់ខ្ជាប់នូវគោលការណ៍សីលធម៌ដ៏ត្រឹមត្រូវ និងការខិតខំប្រឹងប្រែងឥតឈប់ឈររបស់ចិនក្នុងការផ្តល់ជំនួយដល់ប្រទេសកំពុងអភិវឌ្ឍន៍ ក៏ដូចជាបំណងដ៏ស្មោះត្រង់របស់ប្រទេសចិនក្នុងការជួយចែករំលែកនូវភាគលាភនៃសកលភាវូបនីយកម្មដល់ប្រទេសកំពុងអភិវឌ្ឍន៍ ប្រទេសចិនជាមត្តិដែលអាចពឹងផ្អែកបាននិងដៃគូដ៏ស្មោះត្រង់របស់ប្រទេសកំពុងអភិវឌ្ឍន៍ជានិច្ច។
ប្រទេសចិនដែលកាន់តែបើកទូលាយ នឹងជំរុញការអភិវឌ្ឍដោយបរិយាប័ន្ននិងផ្តល់ផលប្រយោជន៍ជាទូទៅដល់ពិភពលោក នាំឱ្យសមិទ្ធផលនៃការអភិវឌ្ឍផ្តល់ផលប្រយោជន៍ដល់ប្រជាជននៃបណ្តាប្រទេសកំពុងអភិវឌ្ឍន៍កាន់តែច្រើនឡើងៗ ។