អគ្គស្ថានីយវិទ្យុនិងទូរទស្សន៍មជ្ឈិមចិនបានប្រើប្រាស់បច្ចេកវិទ្យាថ្មីជានាំមុខ គួបផ្សំនឹងមធ្យោបាយផ្សព្វផ្សាយបែបច្នៃប្រឌិតថ្មី ដើម្បីធ្វើការផ្សព្វផ្សាយប្រកបដោយភាពច្នៃប្រឌិតថ្មីនិងទូលំទូលាយចំពោះពិព័រណ៍នាំចូលចិនអន្តរជាតិលើកទីពីរ ។ ប៉ុស្តិ៍ទូរទស្សន៍ចំនួន១០ វិទ្យុផ្សាយក្នុងស្រុកចំនួន១៣ វេទិកាផ្សាយជាភាសាចំនួន៤៤ វេទិកាសារព័ត៌មានថ្មីជាច្រើននិងទីភ្នាក់ងារព័ត៌មានវីដេអូអន្តរជាតិនឹងធ្វើការផ្សព្វផ្សាយទៅកាន់ពិភពលោកក្នុងពេលដំណាលគ្នា ។
អគ្គស្ថានីយវិទ្យុនិងទូរទស្សន៍មជ្ឈិមចិនបានបង្កើតបន្ទប់ផ្សាយកម្រិតខ្ពស់បំផុតចំនួន៥ ចាត់ចែងរថយន្តសម្រាប់ផ្សាយបន្តផ្ទាល់កម្រិតច្បាស់បំផុត ៤K/៨K ពីរគ្រឿងនិងរថយន្តបំពាក់ផ្កាយរណប៧គ្រឿងដើម្បីធ្វើការផ្សាយផ្ទាល់ ក្នុងន័យឆ្លុះបញ្ចាំងពីភាពឱឡារិកទាន់សម័យលើពិភពលោកនិងល្អបំផុតក្នុងប្រវត្តិសាស្ត្រនៃពិព័រណ៍នេះ ។
កម្មវិធី Dongfangjinbao នៃស្ថានីយទូរទស្សន៍មជ្ឈិមចិនបានសម្រេចការតភ្ជាប់គ្មានការពន្យារពេលរវាងបន្ទប់ផ្សាយជាមួយនឹងឧបករណ៍បញ្ជូនសញ្ញា ៥G ច្រើនបែបយ៉ាងជាលើកដំបូង ។
បន្ទប់ផ្សាយនៅបរទេសជាភាសាជាច្រើននៃអគ្គស្ថានីយវិទ្យុនិងទូរទស្សន៍មជ្ឈិមចិនក៏បានធ្វើការផ្សព្វផ្សាយអំពីពិព័រណ៍នាំចូលចិនអន្តរជាតិលើកទីពីរនេះយ៉ាងទូលំទូលាយផងដែរ ។