ពិព័រណ៍នាំចូលចិនអន្តរជាតិលើកទី២បានសម្ពោធបើកនៅទីក្រុងសៀងហៃនាថ្ងៃទី៥ខែវិច្ឆិកា លោកស៊ីជីនភីងប្រធានរដ្ឋចិនបានអញ្ជើញចូលរួមពិធីសម្ពោធបើកហើយថ្លែងសុន្ទកថាគន្លឹះ។
លោកស៊ីជីនភីងបានថ្លែងថា ពិព័រណ៍នាំចូលចិនអន្តរជាតិលើកទី២នៃធ្វើឡើងក្រោមប្រធានបទដូចលើកមុនដែរគឺ រួមគ្នាចែករំលែកអនាគតក្នុងយុគសម័យថ្មី។លោកជឿជាក់ថា ភ្ញៀវកិត្តិយសជាមិត្តដែលមានវត្តមាននីក្នុងពិព័រណ៍នេះមុខជាសប្បាយរីករាយនិងអញ្ជើញត្រឡប់ទៅវិញដោយក្តីពេញចិត្ត។
លោកស៊ីជីនភីងបានគូបញ្ជាក់ថា ប្រទេសចិនបានផ្តល់ឱកាសអភិវឌ្ឍន៍កាន់តែច្រើនសម្រាប់ប្រទេសនានាលើពិភពលោក ហើយបានរួមវិភាគទានឥតឈប់ឈរក្នុងការជំរុញកិច្ចកសាងសេដ្ឋកិច្ចពិភពលោកបែបបើកទូលាយនិងការបង្កើតសហគមន៍រួមវាសនានៃមនុស្សជាតិ។
លោកស៊ីជីនភីងបានប្រកាសពីវិធានការ៥ចំណុចសម្រាប់ជំរុញការបើកទូលាយប្រកបដោយកម្រិតកាន់តែខ្ពស់នៃប្រទេសចិនចំពោះអន្តរជាតិគឺទី១ បន្តពង្រីកការបើកទូលាយទីផ្សារ ទី២ បន្តការកែលម្អនិម្មាបនកម្មបើកទូលាយ។ទី៣ កែលម្អបរិយាកាសប្រកបអាជីវកម្ម ទី៤ បន្តធ្វើឱ្យកិច្ចសហប្រតិបត្តិការពហុភាគីនិងទ្វេភាគីមានភាពកាន់តែស៊ីជម្រៅនិងទី៥បន្តជំរុញការរួមគ្នាកសាងខ្សែក្រវាត់និងផ្លូវ។
ពិព័រណ៍នាំចូលចិនអន្តរជាតិលើកទី២ធ្វើឡើងនៅទីក្រុងសៀងហៃពីថ្ងៃទី៥ដល់ថ្ងៃទី១០ខែវិច្ឆិកានេះដោយមានការតាំងពិព័រណ៍ ការលក់ដូរ វេទិកា និងសកម្មភាពវប្បធម៌មនុស្សសាស្រ្តនិងការទូតជាដើម។
