យោងតាម « របាយការណ៍ស្តីពីបរិយាកាសពាណិជ្ជកម្មពិភពលោកឆ្នាំ ២០២០ » ដែលធនាគារពិភពលោកបានប្រកាសកាលពីថ្ងៃទី ២៤ ខែតុលាបានឱ្យដឹងថា ចំណាត់ថ្នាក់បរិយាកាសពាណិជ្ជកម្មចិនបានកើនឡើងដល់ទី ៣១ លើពិភពលោក ជាតួអង្គសេដ្ឋកិច្ចមួយក្នុងចំណោមតួអង្គសេដ្ឋកិច្ចធំទាំង ១០ ដែលមានការកែលម្អបរិយាកាសពាណិជ្ជកម្មយ៉ាងខ្លាំងបំផុតលើពិភពលោកក្នុងរយៈពេល ២ ឆ្នាំជាប់គ្នា ។ នេះមកពីចិនបានធ្វើកំណែទម្រង់កាន់តែស៊ីជម្រៅ និងបន្តបើកទូលាយនូវទីផ្សាររបស់ខ្លួន។ ប្រទេសចិននឹងជំរុញសេដ្ឋកិច្ចរបស់ខ្លួនឱ្យអភិវឌ្ឍដោយគុណភាពខ្ពស់ថែមទៀត ព្រមទាំងបន្តកែលម្អបរិយាកាសពាណិជ្ជកម្ម ដើម្បីផ្តល់នូវកាលានុវត្តភាពនិងប្រសិទ្ធភាពកាន់តែច្រើនដល់វិនិយោគគិនទូទាំងពិភពលោក រហូតដល់សម្រេចបាននូវការផ្តល់ផលប្រយោជន៍ដល់គ្នានិងឈ្នះ-ឈ្នះ។
បរិយាកាសពាណិជ្ជកម្មចិនកំពុងឈានទៅមុខតាមមាគ៌ាគ្រប់គ្រងតាមច្បាប់ ជាមួយនឹងការគោរពតាមច្បាប់ពាណិជ្ជកម្មអន្តរជាតិ ដែលនេះមានប្រយោជន៍ដល់ការប្រកួតប្រជែងដោយយុត្តិធម៌។ ព្រមពេលជាមួយនេះ បរិយាកាសកិច្ចការរដ្ឋាភិបាលរបស់ចិនមានប្រសិទ្ធភាពកាន់តែខ្ពស់និងកាន់តែងាយស្រួល នេះបានលើកទឹកចិត្តដល់បណ្តាសហគ្រាសអន្តរជាតិបោះទុនវិនិយោគនៅក្នុងប្រទេសចិន។ ឧទាហរណ៍ដូចជាតម្រូវការប្រើប្រាស់អគ្គសនីរបស់សហគ្រាស៖ នៅប្រទេសចិន ការងារនេះឆ្លងកាត់នីតិវិធី ២ ដំណាក់កាល ដោយចំណាយរយៈពេលត្រឹមតែ ៣២ ថ្ងៃប៉ុណ្ណោះ , ប៉ុន្តែនៅតំបន់អាស៊ីខាងកើត ការងារនេះត្រូវឆ្លងកាត់នីតិវិធីស្នើសុំគិតជាមធ្យមច្រើនជាង ៤ ដំណាក់កាល ដោយត្រូវចំណាយរយៈពេល ៦៣ ថ្ងៃ។ ប្រទេសចិននៅតែជាទីគោលដៅសំខាន់សម្រាប់ការបោះទុនវិនិយោគអន្តរជាតិ៕