ជំនួបក្រៅផ្លូវការលើកទី ២ នៃមេដឹកនាំចិននិងឥណ្ឌាកំពុងធ្វើឡើងនៅក្រុងChennai ទីរួមខេត្តTamil Nadu ប្រទេសឥណ្ឌា ។ ប្រព័ន្ធសារព័ត៌មានសំខាន់ៗនៃឥណ្ឌាបានផ្តោតការយកចិត្តទុកដាក់ខ្ពស់ចំពោះជំនួបលើកនេះ ដោយបានផ្សាយដំណឹងយ៉ាងលំអិតនិងស៊ីជម្រៅ ។
កាសែតThe Hindu ដែលជាកាសែតធំទី ១ នៃឥណ្ឌាបានចុះផ្សាយអត្ថបទលើទំព័រទី ១ ថា លោកស៊ីជីនភីង ប្រធានរដ្ឋចិននិងលោកនាយករដ្ឋមន្ត្រីឥណ្ឌាNarendra Modi បានផ្លាស់ប្តូរមតិគ្នាយ៉ាងស៊ីជម្រៅស្តីពីការពួតដៃគ្នាក្នុងបុព្វហេតុអភិវឌ្ឍន៍ ការរួមគ្នាកសាងទំនាក់ទំនងជិតខាងប្រកបដោយសុខដុមរមនា ការជួយគ្នានិងរៀនសូត្រពីគ្នាទៅវិញទៅមកជាដើម ។ រំពឹងថាប្រទេសអរិយធម៌បុរាណទាំងពីរនេះអាចរួមរស់នៅដោយមេត្រីភាពនិងអភិវឌ្ឍទៅមុខជាមួយគ្នា ។
វេបសាយDinamalar ដែលជាវេបសាយព័ត៌មានភាសាTamilធំទី ១ នៃឥណ្ឌាបានផ្សាយអត្ថបទកាលពីថ្ងៃទី ១១ ខែតុលាថា ប្រាសាទបុរាណMahalalipuramជាក្រវាត់សំខាន់សម្រាប់ចិនបុរាណនិងឥណ្ឌាបុរាណផ្សព្វផ្សាយពុទ្ធសាសនានិងធ្វើពាណិជ្ជកម្មតាមរយៈផ្លូវសូត្រលើសមុទ្រ ។ ប្រទេសចិននិងខេត្តTamil Nadu ពីអតីតកាលមានការផ្លាស់ប្តូរមេត្រីភាពក្នុងវិស័យជាច្រើន ដូចជាពាណិជ្ជកម្ម វប្បធម៌និងសាសនាជាដើម ហើយភាគីទាំងពីរសុទ្ធតែទទួលបានផលប្រយោជន៍ជាច្រើន ។ រំពឹងថាចិននិងឥណ្ឌាឈានដល់មតិឯកភាពគ្នាកាន់តែច្រើន ដើម្បីរួមគ្នាដើរតួនាទីនៃអាស៊ីលើឆាកអន្តរជាតិ ៕
