គណៈកម្មាធិការស៊ើបអង្កេតនៃរដ្ឋសភាអាមេរិកបានកោះហៅលោកRick Perryរដ្ឋមន្រ្តីក្រសួងថាមពលអាមេរិកកាលពីថ្ងៃទី១០ខែតុលា ដើម្បីទាមទារឱ្យលោកប្រគល់ឯកសារមានពាក់ព័ន្ធស្តីពីករណីទូរស័ព្ទរវាងលោកត្រាំប្រធានាធិបតីអាមេរិកនិងលោកZelenskyប្រធានាធិបតីអ៊ុយក្រែន និងសហការជាមួយរដ្ឋសភាក្នុងការស៊ើបអង្កេតលើបទចោទប្រកាន់ចំពោះលោកត្រំាំ។
លោកត្រាំកំពុងប្រឈមនឹងការស៊ើបអង្កេតលើបទចោទប្រកាន់។គួររំលឹកថា កាលពីខែសីហា ឥស្សរជននៃមជ្ឈដ្ឋានស៊ើបការណ៍អាមេរិកមួយរូបបានបញ្ចេញលិខិតអនាមិកមួយថាក្នុងពេលលោកត្រាំនិងលោកZelenskyប្រធានាធិបតីអ៊ុយក្រែនសន្ទនាតាមទូរស័ព្ទ លោកត្រាំបានទាមទារឱ្យលោកZelenskyបើកការស៊ើបអង្កេតលើគូប្រជែងនយោបាយរបស់ខ្លួន ហើយសេតវិមានក៏បានចាត់វិធានការមួយចំនួនដើម្បីបិទកំណត់ត្រានៃខ្លឹមសារកិច្ចសន្ទនារបស់លោកទាំងពីរ។