លោកMevlutCavusogluរដ្ឋមន្រ្តីការបរទេសតួកគីបានអំពាវនាវដល់អង្គការណាតូឱ្យរក្សាសាមគ្គីនិងភាពរួបរួមគ្នាក្នុងសកម្មភាពនៃប្រតិបត្តិការប្រឆាំងភេរវកម្មដែលធ្វើឡើងនៅតួកគីកាលពីថ្ងៃទី១១ខែតុលា។ប៉ុន្តែ លោកJensStoltenbergអគ្គលេខាធិការអង្គការណាតូបានដាស់តឿនដល់តួកគីឱ្យរក្សាភាពអត់ធ្មត់ចំពោះការធ្វើប្រតិបត្តិការយោធានៅភាគខាងជើងស៊ីរី។
លោកMevlutCavusogluបានថ្លែងក្នុងសន្និសីទកាសែតដែលធ្វើឡើងរួមជាមួយលោកJensStoltenbergនៅក្រុងអ៊ីស្តង់ប៊ុលនាថ្ងៃដដែលថា គ្រាន់តែយល់ពីកង្វល់ដ៏សមហេតុផលរបស់តួកគីគឺមិនគ្រប់គ្រាន់ទេ កងទ័ពយោធាតួកគីបានធ្វើប្រតិបត្តិការយោធាចំពោះកងកម្លាំងប្រដាប់អាវុធឃើតនៅភាគខាងជើងស៊ីរីកាលពីថ្ងៃទី៩ខែតុលាគឺមានន័យថានឹងបញ្ចប់ការគំរាមកំហែងនៃភេរវកម្មតាមព្រំដែនតួកគី ការនេះមានសារៈសំខាន់ចំពោះសន្តិសុខអង្គការណាតូផងដែរ។
លោកJensStoltenbergបានថ្លែងថា គ្មានសមាជិកអង្គការណាតូផ្សេងទៀតក្រៅពីតួកគីដែលរងផលប៉ះពាល់ពីការវាយប្រហារភេរវកម្មនិងកម្លាំងហិង្សាយ៉ាងធ្ងន់ធ្ងរនោះទេ ប៉ុន្តែ ភាគីតួកគីត្រូវតែរក្សាភាពអត់ធ្មត់ចំពោះការធ្វើប្រតិបត្តិការយោធានៅភាគខាងជើងស៊ីរី។