ព្រឹកថ្ងៃទី ៩ ខែតុលា ក្រុមហ៊ុនវីដេអូនៃអគ្គស្ថានីយវិទ្យុនិងទូរទស្សន៍មជ្ឈិមចិន វិទ្យុផ្សាយសំឡេងមហាឈូងសមុទ្រនៃអគ្គស្ថានីយវិទ្យុនិងទូរទស្សន៍មជ្ឈិមចិន និងសហគមន៍អ្នកប្រកបអាជីពភាពយន្តភាគខាងត្បូងប្រទេសចិនបានរួមគ្នារៀបចំធ្វើពិធីចាក់បញ្ចាំងនូវភាពយន្ត4Kជាភាសាចិនកាតាំងស្តីពីពិធីអបអរសាទរខួបគម្រប់ ៧០ ឆ្នាំនៃការបង្កើតសាធារណរដ្ឋប្រជាមានិតចិននៅហុងកុងជាលើកដំបូង ។ ភ្ញៀវកិត្តិយស មានលោកYangjian អនុប្រធានការិយាល័យទំនាក់ទំនងប្រចាំហុងកុងនៃរដ្ឋាភិបាលមជ្ឈិមចិន លោកPete Lam Kin-ngo សមាជិកអចិន្ត្រៃយ៍នៃសភាប្រឹក្សានយោបាយប្រជាជនទូទាំងប្រទេសចិននិងជាប្រធាននាយកដ្ឋានអភិវឌ្ឍន៍ទេសចរណ៍ហុងកុង ព្រមទាំងតំណាងមជ្ឈដ្ឋាននានាជាង ២០០ នាក់បានចូលរួមពិធីចាក់បញ្ចាំងនិងទស្សនាភាពយន្ត ។
ភាពយន្តនេះបានបញ្ចូលសម្លេងជាភាសាចិនកាតាំងដោយពិធីករនៃអគ្គស្ថានីយវិទ្យុនិងទូរទស្សន៍មជ្ឈិមចិន វាសមស្របនឹងទម្លាប់មើលកុននៃទស្សនិកជនហុងកុង ។ ទស្សនិកជនហុងកុងអាចមើលឡើងវិញនូវទិដ្ឋភាពអបអរសាទរខួបគម្រប់ ៧០ ឆ្នាំនៃការបង្កើតសាធារណរដ្ឋប្រជាមានិតចិននៅក្នុងរោងកុនចំនួន ១៣នៅហុងកុង ដោយឆ្លុះបញ្ចាំងពីភាពខ្លាំងក្លានិងវិបុលភាពនៃមាតុប្រទេស ៕