ថ្ងៃទី៩ខែតុលា វេទិកាសេដ្ឋកិច្ចពិភពលោកបានប្រកាសរបាយការណ៍ស្តីពីកម្លាំងប្រកួតប្រជែងទូទាំងពិភពលោកប្រចាំឆ្នាំ២០១៩ឱ្យដឹងថា ប្រទេសចិនឈរនៅលំដាប់ថ្នាក់ទី២៨ក្នុងតារាងលំដាប់ថ្នាក់ចម្រុះនៃកម្លាំងប្រកួតប្រជែងទូទាំងពិភពលោក គឺដូចគ្នានឹងឆ្នាំទៅមិញ ប៉ុន្តែពិន្ទុចម្រុះបានកើនឡើងដោយមានស្ថិរភាព ។
របាយការណ៍បង្ហាញថា ប្រទេសចិនបានទទួលពិន្ទុលើគេក្នុងសន្ទស្សន៍ដូចជាប្រព័ន្ធទីផ្សារ ស្ថិរភាពម៉ាក្រូសេដ្ឋកិច្ច សមត្ថភាពច្នៃប្រឌិតថ្មីនិងប្រើប្រាស់បច្ចេកវិទ្យាព័ត៌មានវិទ្យាជាដើម ហើយក៏លេចធ្លោក្នុងសន្ទស្សន៍ហេដ្ឋារចនាសម្ព័ន្ធជាដើមផងដែរ ។
ក្នុងបញ្ជីចំណាត់ថ្នាក់ចម្រុះស្តីពីកម្លាំងប្រកួតប្រជែងថ្មីបំផុតនេះ ប្រទេសសិង្ហបុរីឈរនៅលំដាប់ថ្នាក់ទីមួយ ខណៈសហរដ្ឋអាមេរិកបានធ្លាក់ពីលំដាប់ថ្នាក់ទីមួយនៅឆ្នាំ២០១៨មកនៅលំដាប់ថ្នាក់ទីពីរ ។ របាយការណ៍ថ្លែងថា នៅមជ្ឈដ្ឋានពាណិជ្ជកម្មសហរដ្ឋអាមេរិក ភាពមិនច្បាស់លាស់សម្រាប់ការបើកទូលាយនៃពាណិជ្ជកម្មបានធ្លាក់ចុះយ៉ាងខ្លាំង ។ ដូច្នេះ បានប៉ះពាល់ដល់ពិន្ទុចម្រុះនៃកម្លាំងប្រកួតប្រជែងទូទាំងពិភពលោករបស់សហរដ្ឋអាមេរិក ។