ក្នុងអំឡុងពេល ៣០០ ឆ្នាំ មុនពេលបង្កើតសាធារណរដ្ឋប្រជាមានិតចិន ទំនប់ទឹកទន្លេជីងជាំងបានបាក់រលំចំនួន ៣៤ លើក ។ នៅថ្ងៃទី ៥ ខែមេសា ឆ្នាំ ១៩៥២ សំណង់ធារាសាស្រ្តសម្រាប់ចាត់ចែងទឹកជំនន់នៃទន្លេជីងជាំងបានចាប់ផ្តើមសាងសង់ ។ យោធិននិងប្រជាពលរដ្ឋជាង ៣០ ម៉ឺននាក់បានបញ្ចប់ការសាងសង់ដំណាក់កាលទី ១ នៃសំណង់មួយនេះដោយចំណាយពេលតែ ៧៥ ថ្ងៃប៉ុណ្ណោះ ។ ខែកក្កដា ឆ្នាំ ១៩៥៤ នៅតាមដងទន្លេយ៉ង់សេ បានកើតគ្រោះទឹកជំនន់ធ្ងន់ធ្ងរដែលកម្រមានក្នុងរយៈពេល ១០០ ឆ្នាំ ទំនប់ទឹកទន្លេយ៉ង់សេបានបើកទ្វាទឹក ៣ លើកដើម្បីចាត់ចែងទឹកជំនន់ ។ ទំនប់មួយនេះជាសំណង់ធារាសាស្រ្តបង្ការទឹកជំនន់ធំជាងគេក្រោយពីបង្កើតសាធារណរដ្ឋប្រជាមានិតចិន ដែលបានដើរតួនាទីសំខាន់ក្នុងការការពារសុវត្ថិភាពរបស់ប្រជាជនក្នុងតំបន់ ។
ជាងនេះទៅទៀត ឆ្នាំ ១៩៦១ ទំនប់សានមិនស្យ៊ានៃទន្លេលឿងប្រទេសចិនបានសាងសង់រួចរាល់ ។ ឆ្នាំ ២០១៤ បានបញ្ចប់ការសាងសង់នូវសំណង់ធារាសាស្រ្តទ្រង់ទ្រាយធំជាច្រើនទៀតនៃគម្រោងដំណាក់កាលទី ១ នៃប្រព័ន្ធបង្ហូរទឹកពីតំបន់ខាងត្បូងទៅខាងជើងរបស់ប្រទេសចិន ដែលបានរួមចំណែកសំខាន់ក្នុងការបង្ការទឹកជំនន់ ផ្សាយអគ្គិសនី លើកកម្ពស់ការងារចាត់ចែងធនធានទឹក ព្រមនិងជំរុញការអភិវឌ្ឍក្នុងតំបន់ជាដើម ៕
