កាលពីថ្ងៃទី ២៧ ខែកញ្ញា វិទ្យុអន្តរជាតិចិនបានចេញផ្សាយបទវិភាគក្រោមចំណងជើងថា អច្ឆរិយចិនគឺជាកាលានុវត្តភាពសម្រាប់ពិភពលោកជានិច្ច ។
អត្ថបទបានបញ្ចូលនូវខ្លឹមសារនៃសៀវភៅសទី ១ ដែលរដ្ឋាភិបាលចិនប្រកាសកាលពីថ្ងៃទី ២៧ ខែកញ្ញាក្រោមចំណងជើងថា 《ប្រទេសចិននិងពិភពលោកក្នុងយុគសម័យថ្មី》 ដោយបានចង្អុលបង្ហាញថា ប្រជាជនចិនបានឆ្លងកាត់ដំណើរអភិវឌ្ឍន៍រាប់សិបឆ្នាំដែលប្រទេសអភិវឌ្ឍន៍បានឆ្លងកាត់អស់រយៈពេលរាប់រយឆ្នាំនោះដោយពឹងផ្អែកលើខ្លួនឯងនិងខិតខំតស៊ូយ៉ាងលំបាកលំបិន ដោយបានបង្កើតអច្ឆរិយអភិវឌ្ឍន៍ដែលមិនធ្លាប់មានក្នុងប្រវត្តិសាស្ត្រមនុស្សជាតិ និងបានបញ្ចូលកម្លាំងជាវិជ្ជមានសម្រាប់សន្តិភាពនិងវឌ្ឍនភាពនៃពិភពលោក ។
ប្រទេសចិនអាចអភិវឌ្ឍបានដោយទំនាក់ទំនងជាមួយពិភពលោក ព្រមទាំងជំរុញសន្តិភាពនិងការអភិវឌ្ឍនៃពិភពលោកតាមរយៈការអភិវឌ្ឍរបស់ខ្លួនឯង មូលហេតុ គឺថា ប្រទេសចិនបានដើរតាមផ្លូវសមស្របសម្រាប់ការអភិវឌ្ឍរបស់ខ្លួន ហើយបានបង្កើតផ្លូវថ្មីនៃការអភិវឌ្ឍដោយសន្តិវិធីនិងកិច្ចសហប្រតិបត្តិការនិងឈ្នះ-ឈ្នះ។ដូច្នេះ មុខជានឹងក្លាយជាកាលានុវត្តភាពសម្រាប់ពិភពលោកមិនខាន។
ដូចដែលលោក Antonio Guterres អគ្គលេខាធិការអង្គការសហប្រជាជាតិធ្លាប់បានវាយតម្លៃថា ប្រវត្តិសាស្ត្រនឹងបង្ហាញថា ការអភិវឌ្ឍរបស់ប្រទេសចិនមិនត្រឹមតែជានិន្នាការប្រវត្តិសាស្ត្រដែលមិនអាចរារាំងបានប៉ុណ្ណោះទេ ថែមទាំងក៏ជាការចូលរួមចំណែកដ៏សំខាន់ដល់វឌ្ឍនភាពមនុស្សជាតិផងដែរ៕