យន្ដហោះខ្នាតយក្សអាចចុះចតទាំងលើទឹកនិងលើគោកដំបូងបង្អស់របស់ប្រទេសចិនត្រូវបានដាក់ឈ្មោះថា "Kun long AG600"។យន្តហោះ"AG600"ដែលបានបញ្ចប់ការសាកល្បងហោះហើរកាលពីខែតុលា ឆ្នាំ ២០១៨ កន្លងទៅ គឺជាយន្តហោះខ្នាតយក្សអាចចុះចតទាំងលើទឹកនិងលើគោកដំបូងបង្អស់របស់ប្រទេសចិនដែលមានមុខងារពន្លត់អគ្គិភ័យនិងជួយសង្គ្រោះតាមផ្លូវទឹកដែលបានសិក្សាស្រាវជ្រាវនិងផលិតដោយប្រទេសចិន ហើយក៏ជាយន្តហោះអាចចុះចតទាំងលើទឹកនិងលើគោកធំបំផុតដែលកំពុងសិក្សាស្រាវជ្រាវនៅលើពិភពលោកនាពេលបច្ចុប្បន្ននេះផងដែរ។យន្តហោះស៊ីវិលដែលមានមុខងារពិសេសនេះអាចហោះហើរក្នុងចម្ងាយជាង ៤០០០ គីឡូម៉ែត្រនិងអាចជួយសង្គ្រោះមនុស្សចំនួន ៥០ នាក់ក្នុងពេលតែមួយ ហើយអាចបាញ់ទឹកពន្លត់អគ្គិភ័យក្នុងទំហំដី ជាង ៤០០០ ម៉ែត្រការ៉េ។ប្រទេសចិនបានក្លាយជាប្រទេសមួយដែលអាចផលិតយន្តហោះ ខ្នាតធំបែបនេះបន្ទាប់ពីប្រទេសរុស្ស៊ី ជប៉ុននិងកាណាដាជាដើម។
