កាលពីថៃ្ងទី ២៥ ខែកញ្ញា វិទ្យុអន្តរជាតិចិនបានចេញផ្សាយបទអត្ថាធិប្បាយមួយក្រោមចំណងជើងថា <កម្លាំងចលករថ្មីនៃការអភិវឌ្ឍប្រទេសចិនជំរុញការតភ្ជាប់ពិភពលោក>។
អត្ថបទបង្ហាញថា ប្រព័ន្ធគមនាគមន៍គឺជាកម្លាំងចលករដ៏សំខាន់សម្រាប់ការអភិវឌ្ឍទីក្រុង។ជាក់ស្តែង ដូចជា ការដាក់ឱ្យដំណើរការជាផ្លូវការនូវអាកាសយានដ្ឋានអន្តរជាតិ Daxing ក្រុងប៉េកាំងដែលវាក្លាយជាប្រភពកម្លាំងចលករថ្មីនៃការអភិវឌ្ឍរបស់ប្រទេសចិនមុខជានឹងបញ្ចេញនូវកម្លាំងចលករដ៏ធំធេងដើម្បីចូលរួមចំណែកថ្មីៗចំពោះការជំរុញការតភ្ជាប់ពិភពលោក។
កាលពីថ្ងៃទី ២៥ ខែកញ្ញា លោកស៊ីជីនភីង ប្រធានរដ្ឋចិនបានប្រកាសដាក់ឱ្យប្រើប្រាស់ជាផ្លូវការនូវអាកាសយានដ្ឋានអន្តរជាតិDaxing ក្រុងប៉េកាំង។ អាកាសយានដ្ឋានអន្តជាតិនេះជានិមិត្តសញ្ញាថ្មីរបស់ក្រុងប៉េកាំង ជានាមប័ណ្ណអជីវកម្មថ្មីរបស់ចិននិងជាមជ្ឈមណ្ឌលគមនាគមន៍ដ៏សំខាន់របស់ពិភពលោកនាពេលអនាគត ។ អាកាសយានដ្ឋានអន្តរជាតិ Daxing នឹងក្លាយជាក្បាលម៉ាស៊ីនថ្មីសម្រាប់បម្រើដល់ការអភិវឌ្ឍនៃប្រទេសចិន ក៏ដូចជាជំរុញការតភ្ជាប់គ្នានៃតំបន់”ខ្សែក្រវាត់និងផ្លូវ” ។
អត្ថបទបាននិយាយថា ការដាក់ឱ្យប្រើប្រាស់ជាផ្លូវការនូវព្រលានយន្តហោះអន្តរជាតិ Daxing ក្រុងប៉េកាំង បានធ្វើឱ្យក្រុងប៉េកាំងក្លាយជាទីក្រុងដែលមានព្រលានយន្តហោះអន្តរជាតិចំនួន ២ ។តាមការព្យាករណ៍បង្ហាញថា ចំនួនអ្នកដំណើរដែលចេញចូលព្រលានយន្តហោះទាំងពីរនេះនឹងកើនលើស ២៥០ លាននាក់។ទន្ទឹមនឹងការដំណើរការនៃខ្សែអាកាសចរណ៍អន្តរជាតិកាន់តែច្រើនឡើងៗ សមត្ថភាពដឹកជញ្ជូនតាមផ្លូវអាកាសចរណ៍ទៅកាន់អាស៊ីឦសាន អាស៊ីកណ្តាលនិងអឺរ៉ុបនៃព្រលានយន្តហោះអន្តរជាតិDaxingនឹងត្រូវបង្កើនថែមទៀត ហើយទំនាក់ទំនងរវាងប្រទេសនិងតំបន់តាមបណ្តោយខ្សែក្រវាត់និងផ្លូវនឹងកាន់តែជិតស្និទ្ធ ជាលទ្ធផលនឹងសម្រេចការចែករំលែកធនធាន វិបុលភាពរួម ការអភិវឌ្ឍរួមក្នុងកម្រិតកាន់តែខ្ពស់៕
