កាលពីថ្ងៃទី ២៩ ខែ តុលា ឆ្នាំ ១៩៥៥ អណ្ដូងលេខ ១ នៃតំបន់រ៉ែប្រេងកាតឈ្មោះKelamayi ដែលមានទីតាំងស្ថិតនៅអាងទឹក Zhungeer ភូមិភាគស្វយ័ត Xinjiang បានប្រកាសពីការរកឃើញតំណក់ប្រេងកាតឆៅដំបូងដែលអាចទាញយកដើម្បីផលិតប្រេងបានច្រើនបំផុតបន្ទាប់ពីការបង្កើតប្រទេសចិនថ្មី ។ ដូច្នេះ នេះជាការចាប់កំណើតនៃតំបន់ប្រេងដ៏ធំមួយនិងក៏ជាការចាប់ផ្តើមនៃឧស្សាហកម្មប្រេងរបស់ប្រទេសចិនថ្មីផងដែរ ។
អស់រយៈពេលជាង ៦០ ឆ្នាំមកហើយដែលតំបន់រ៉ែប្រេងកាតKelamayiបានក្លាយជាទីតាំងដែលអាចទាញយកប្រេងឆៅបាន ១០ លានតោននិងជាមូលដ្ឋាននៃឧស្សាហកម្មគីមីនិងទីតាំងចម្រាញ់ប្រេងខ្នាតធំនៅភាគខាងលិចរបស់ប្រទេសចិន ។ ប្រទេសចិនបានបម្រុងទុកប្រេងសរុប ២៦ រយលានតោន ព្រមទាំងបានអភិវឌ្ឍនិងសាងសង់តំបន់ប្រេងនិងឧស្ម័នជាង ៣០ កន្លែង ហើយបានផលិតប្រេងឆៅចំនួន ៣៧៦ លានតោននិងឧស្ម័នធម្មជាតិចំនួន ៨៤៧៦០ លានម៉ែត្រគូប ។
ការអភិវឌ្ឍនិងការសាងសង់នៃតំបន់រ៉ែប្រេងកាតKelamayiធ្វើឱ្យប្រទេសចិនចាកផុតពីប្រទេសខ្សត់ធនធានប្រេងនិងផ្តល់នូវមូលដ្ឋានថាមពលដ៏សំខាន់សម្រាប់ការអភិវឌ្ឍឧស្សាហកម្មរបស់ប្រទេសចិនថ្មី ។