ស្នងការដ្ឋាននគរបាលក្រុងប៉ារីសប្រទេសបារាំងបានចេញសេចក្តីប្រកាសកាលពីថ្ងៃទី២១ខែកញ្ញាថា គិតរហូតដល់ល្ងាចថ្ងៃដដែលនោះ អាជ្ញាធរប៉ូលីសបានចាប់ខ្លួនពួកឧទ្ទាមជ្រុលនិយមសរុប១៦៤នាក់និងផាកពិន័យប្រាក់ចំពោះបាតុករ៣៩៥នាក់ក្នុងប្រតិបត្តិការបង្រ្កាបសកម្មភាពដង្ហែក្បួនបាតុកម្ម”ចលនាអាវកាក់ពណ៌លឿង”ជាដើម ។ សាលាអយ្យការក្រុងប៉ារីសបានប្រកាសកាលពីយប់ថ្ងៃដដែលថា ក្នុងចំណោមអ្នកត្រូវចាប់ខ្លួន មាន១២០នាក់ត្រូវបានឃុំឃាំងហើយ ។
តាមការផ្សាយដំណឹងឱ្យដឹងថា នៅថ្ងៃដដែល អាជ្ញាធរប៉ូលីសក្រុងប៉ារីសបានដាក់ពង្រាយកម្លាំងប៉ូលីសចំនួនជាង៧០០០នាក់ ។ ក្រៅពីនេះ សមត្ថកិច្ចបង្ការនិងពន្លត់អគ្គិភ័យក្រុងប៉ារីសក៏បានចាត់វិធានការពិសេសនៅថ្ងៃទី២១ខែកញ្ញា ដោយបានផ្តល់ម៉ូតូនិងឧបករណ៍ពន្លត់អគ្គីភ័យចល័តឱ្យភ្នាក់ងារពន្លត់អគ្គិភ័យ ដើម្បីបង្កើនភាពចល័តនិងដោះស្រាយហេតុការណ៍គ្រោះអគ្គិភ័យដោយទាន់ពេល ។
សូមបញ្ជាក់ថា ប្រទេសបារាំងបានកើតមានចលនាតវ៉ា” អាវកាក់ពណ៌លឿង”ជុំទី៤៥នៅថ្ងៃទី២១ខែកញ្ញា នៅតំបន់ជាច្រើនដូចជាក្រុងប៉ារីសជាដើមក៏មានការដង្ហែក្បួនអំពីបម្រែបម្រួលអាកាសធាតុដែរ ។ ពួកឧទ្ទាមជ្រុលនិយមមួយចំនួនបានបន្លំខ្លួនចូលក្នុងក្បួន ដើម្បីប្រព្រឹត្តអំពើហិង្សានិងសកម្មភាពបំផ្លិចបំផ្លាញ ៕
