ថ្លែងក្នុងសន្និសីទលើកទី ៤២ នៃក្រុមប្រឹក្សាកិច្ចការសិទ្ធិមនុស្សនៃអង្គការសហប្រជាជាតិកាលពីថ្ងៃទី ១០ ខែកញ្ញា លោក ChenXu តំណាងចិនប្រចាំជាអចិន្ត្រៃយ៍នៅទីស្នាក់ការនៃអង្គការសហប្រជាជាតិនៅក្រុងហ្សឺណែវនិងអង្គការអន្តរជាតិផ្សេងទៀតនៅប្រទេសស្វីសបានតំណាងឱ្យប្រទេសដែលមានទស្សនៈស្រដៀងគ្នាផ្សេងទៀតដើម្បីបកស្រាយពីទស្សនៈចំពោះយន្តការសិទ្ធិមនុស្សពហុភាគីនិងការងារនៃការិយាល័យឧត្តមស្នងការទទួលបន្ទុកកិច្ចការសិទ្ធិមនុស្សនៃអង្គការសហប្រជាជាតិ ។
លោកបានថ្លែងថា ប្រទេសមួយចំនួនដែលមានទស្សនៈស្រដៀងគ្នាបានវាយតម្លៃជាវិជ្ជមានចំពោះបុព្វហេតុការងាររបស់លោកMichelle Bachelet ឧត្តមស្នងការទទួលបន្ទុកកិច្ចការសិទ្ធិមនុស្សនៃអង្គការសហប្រជាជាតិក្នុងរយៈពេលមួយឆ្នាំកន្លងទៅនេះ ដែលបានយកចិត្តទុកដាក់ដល់ការធ្វើកិច្ចសន្ទនានិងកិច្ចសហប្រតិបត្តិការប្រកបដោយលក្ខណៈស្ថាបនាជាមួយបណ្តាប្រទេសនានា ក្នុងន័យជំរុញកិច្ចការសិទ្ធិមនុស្សគ្រប់ប្រភេទឱ្យមានតុល្យភាព ។ លោកបានគាំទ្រដល់ការងាររបស់លោកMichelle Bacheletនិងការិយាល័យឧត្តមស្នងការទទួលបន្ទុកកិច្ចការសិទ្ធិមនុស្សនៃអង្គការសហប្រជាជាតិ ដើម្បីដើរតួនាទីជាវិជ្ជមានក្នុងការអភិវឌ្ឍបុព្វហេតុសិទ្ធិមនុស្សអន្តរជាតិយ៉ាងល្អប្រសើរ ។
