កាលពីពេលថ្មីៗកន្លងទៅនេះ លោកTimothy Stratford ប្រធាននៃសភាពាណិជ្ជកម្មអាមេរិកប្រចាំនៅចិនបានថ្លែងថា សហគ្រាសជាសមាជិកនៃសភាពាណិជ្ជកម្មអាមេរិកមានទំនុកចិត្តខ្លាំងបំផុតក្នុងប្រវត្តិសាស្ត្រចំពោះការបើកទូលាយទីផ្សារនៃរដ្ឋាភិបាលចិន ។ ចំពោះការនេះ លោកស្រីHua Chunying អ្នកនាំពាក្យក្រសួងការបរទេសចិនបានថ្លែងក្នុងសន្និសីទសារព័ត៌មានថា ប្រទេសចិនស្វាគមន៍សហគ្រាសបរទេសបង្កើនការវិនិយោគនៅប្រទេសចិន និងរួមគ្នាចែករំលែកនូវកាលានុវត្តភាពនៃការអភិវឌ្ឍរបស់ប្រទេសចិន ។
លោកស្រីHua Chunying សង្កត់ធ្ងន់ថា សភាពការណ៍សេដ្ឋកិច្ចនិងបរិយាកាសធ្វើពាណិជ្ជកម្មនៃប្រទេសចិនល្អឬមិនល្អ គឺសហគ្រាសមានសិទ្ធិបញ្ចេញមតិជាងគេ ។ ទស្សនៈរបស់សភាពាណិជ្ជកម្មអាមេរិកប្រចាំនៅចិនគឺជាអ្នកតំណាង ហើយក៏ជាអ្នកបញ្ជាក់ច្បាស់នូវបញ្ហាផងដែរ ។ បច្ចុប្បន្ន មានសហគ្រាសបរទេសកាន់តែច្រើនឡើងៗទទួលបានផលប្រយោជន៍ពិតប្រាកដពីបុព្វហេតុនៃការពង្រីកការបើកទូលាយវគ្គថ្មីរបស់ប្រទេសចិន ៕
