កាលពីយប់ថ្ងៃទី ៩ ខែកញ្ញា លោកBenjamin Netanyahu នាយករដ្ឋមន្ត្រីអ៊ីស្រាអែលបានថ្លែងថា អ៊ីស្រាអែលបានរកឃើញមូលដ្ឋានពិសោធន៍នុយក្លេអ៊ែរដ៏សម្ងាត់មួយកន្លែង និងបានអំពាវនាវដល់សហគមន៍អន្តរជាតិឱ្យដាក់សម្ពាធទៅលើអ៊ីរ៉ង់ ។
លោកBenjamin Netanyahu បានថ្លែងថា មូលដ្ឋាននេះស្ថិតនៅAbadeh ភាគខាងត្បូងខេត្តIsfahan ប្រទេសអ៊ីរ៉ង់ ហើយអ៊ីរ៉ង់បានប្រើមូលដ្ឋាននេះសម្រាប់ធ្វើការពិសោធន៍អាវុធនុយក្លេអ៊ែរ ។ លោកBenjamin Netanyahuសង្កត់ធ្ងន់ថា អ៊ីរ៉ង់បានកំទេចមូលដ្ឋាននេះបន្ទាប់ពីដឹងថាអ៊ីស្រាអែលបានរកឃើញវា ។
បន្ទាប់មក លោកMohammad Javad Zarif រដ្ឋមន្ត្រីការបរទេសអ៊ីរ៉ង់បានបដិសេធចំពោះការចោទប្រកាន់នេះ ហើយបានចោទប្រកាន់អ៊ីស្រាអែលថា អ៊ីស្រាអែលកំពុងរកលេសដើម្បីបង្កសង្គ្រាម ៕
