កាលពីថ្ងៃទី ១០ ខែកញ្ញា អគ្គស្ថានីយវិទ្យុនិងទូរទស្សន៍មជ្ឈីមចិនបានបទអត្ថាធិប្បាយក្រោមចំណងជើងថា កម្លាំងទាក់ទាញទុនបរទេសនៃប្រទេសចិនមានភាពខ្លាំងក្លា ។
អត្ថបទបាននិយាយថា នៅក្នុងពិព័រណ៍វិនិយោគនិងពាណិជ្ជកម្មអន្តរជាតិក្រុងXiamenឆ្នាំ ២០១៩ ដែលកំពុងប្រព្រឹត្តឡើង ទំហំទុនបរទេសនៃកិច្ចសន្យាដែលបានចុះហត្ថលេខាក្នុងពិព័រណ៍ផលិតផលកសិកម្មស្តីពីខ្សែក្រវាត់និងផ្លូវកាលពីថ្ងៃទី ៨ ខែកញ្ញាបានឈានដល់ទៅ ២៩៥០០ លានដុល្លារអាមេរិក ។ តួលេខបានបង្ហាញពីកម្លាំងទាក់ទាញយ៉ាងខ្លាំងនៃប្រទេសចិនសម្រាប់ទាក់ទាញវិនិយោគទូទាំងពិភពលោក ។
អត្ថបទនិយាយថា កម្លាំងទាក់ទាញរបស់ចិនគឺមកពីទីផ្សារចិនធំទូលាយ សង្វាក់ឧស្សាហកម្មដ៏ពេញលេញ សម្បូរដោយធនធានមនុស្ស ហើយហេដ្ឋារចនាសម្ព័ន្ធនិងបណ្តាញដឹកជញ្ជូនទំនិញដ៏ខ្លាំងក្លា ។ ជាមួយគ្នានេះ វាក៏មកពីប្តេជ្ញាចិត្តរបស់ប្រទេសចិនដែលប្រកាន់ខ្ជាប់នូវការបើកទូលាយចំពោះក្រៅប្រទេសជាប់ជានិច្ចទោះស្ថិតក្នុងសភាពការណ៍មិនប្រាកដប្រជានៃបរិយាកាសខាងក្រៅនិងសកម្មភាពបង្កើនបរិយាកាសពាណិជ្ជកម្មដ៏ល្អប្រសើរសម្រាប់ទុនបរទេសផងដែរ ។
អត្ថបទសង្កត់ធ្ងន់ថា ទោះបីវិវាទពាណិជ្ជកម្មដែលបង្កដោយអាមេរិកជាឯកតោភាគីបាននាំមកនូវភាពមិនប្រាកដដល់សេដ្ឋកិច្ចពិភពលោក ធ្វើឱ្យលំហូរទុនឆ្លងទ្វីបបានកាត់បន្ថយយ៉ាងខ្លាំងក៏ដោយ ក៏ឧត្តមភាពជាច្រើននៃបរិយាកាសពាណិជ្ជកម្មចិន ធ្វើឱ្យសហគ្រាសបរទេសមិនអាចចាកចេញបាន ហើយប្រទេសចិននៅតែជាគោលដៅចម្បងសម្រាប់ការវិនិយោគនៃពិភពលោកទាំងមូល ៕
