តំណាងរដ្ឋាភិបាលនិងសហគ្រាសមកពីបណ្តាប្រទេសនិងតំបន់ផ្សេងៗព្រមទាំងអង្គការអន្តរជាតិបានជួបជុំគ្នានៅក្រុង Hu lun bei er នៃភូមិភាគស្វយ័តជនជាតិម៉ុងហ្គោលីក្នុងកាលពីថ្ងៃទី ៩ ខែកញ្ញា ដើម្បីចាប់ផ្តើមកិច្ចសន្ទនានិងការផ្លាស់ប្តូរស្តីពីការលើកកម្ពស់កម្លាំងប្រកួតប្រជែងផែ្នកអេកូឡូស៊ី ហើយស្វែងរកនូវឱកាសកិច្ចសហប្រតិបត្តិការ។
លោក He wei អនុប្រធានសភាប្រឹក្សានយោបាយប្រជាជនទូទាំងប្រទេសចិនបានថ្លែងក្នុងកិច្ចប្រជុំថា ខណៈពេលអនុវត្តការកសាងអារ្យធម៌ផែ្នកអេកូឡូស៊ីយ៉ាងខ្លាំង នោះ ប្រទេសចិនក៏បានចូលរួមយ៉ាងសកម្មក្នុងការគ្រប់គ្រងអេកូបរិស្ថានសកលដែលបង្ហាញនូវទំនួលខុសត្រូវខ្ពស់ចំពោះការអភិវឌ្ឍរយៈពេលវែងរបស់មនុស្សជាតិ។កិច្ចប្រជុំកំពូលនេះនឹងចូលរួមចំណែកប្រាជ្ញាចិន គម្រោងចិននិងកម្លាំងចិនបន្ថែមទៀតដល់ការអភិវឌ្ឍប្រកបដោយនិរន្តរភាពនៃសកលលោក។
លោក Devanand Ramiah តំណាងស្តីទីនៃកម្មវិធីអភិវឌ្ឍន៍នៃអង្គការសហប្រជាជាតិប្រចាំនៅប្រទេសចិនបានថែ្លងថា នាពេលបច្ចុប្បន្ននេះ មនុស្សជាតិនៅតែប្រឈមមុខនឹងបញ្ហាផ្សេងៗ ដូចជា ការបំផ្លាញប្រព័ន្ធអេកូឡូស៊ីនិងការប្រើប្រាស់ប្រភពធនធានធម្មជាតិហួសកម្រិតជាដើម។ស្ថាប័នរដ្ឋាភិបាល អង្គការក្រៅរដ្ឋាភិបាលនិងសហគ្រាសឯកជនគួរតែពួតដៃគ្នាដើម្បីសម្រេចបាននូវគោលដៅអភិវឌ្ឍន៍ប្រកបដោយនិរន្តរភាព៕
