នៅម៉ោង៧ព្រឹកនាថ្ងៃទី១ខែកញ្ញានេះ វិទ្យុសំឡេងមហាតំបន់ឈូងសមុទ្រក្វាងទុង-ហុងកុង-ម៉ាកាវនៃអគ្គស្ថានីយវិទ្យុនិងទូរទស្សន៍មជ្ឈិមចិនបានបើកដំណើរការជាផ្លូវការ ។ នេះគឺជាហ្វ្រេកង់វិទ្យុជាតិទីមួយរបស់ចិនដែលផ្សព្វផ្សាយជាពិសេសចំពោះមហាតំបន់ឈូងសមុទ្រក្វាងទុង-ហុងកុង-ម៉ាកាវ ។ វេទិកាប្រព័ន្ធផ្សព្វផ្សាយថ្មីនៃវិទ្យុសំឡេងមហាតំបន់ឈូងសមុទ្រក៏ត្រូវបានបង្កើតឡើងក្នុងពេលដំណាលគ្នាផងដែរ ។
លោក Shen Haixiong អនុរដ្ឋមន្ត្រីក្រសួងឃោសនាការមជ្ឈិមបក្សកុម្មុយនិស្តចិននិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានថ្លែងថា ការបង្កើតឡើងវិទ្យុសំឡេងមហាតំបន់ឈូងសមុទ្រក្វាងទុង-ហុងកុង-ម៉ាកាវនៃអគ្គស្ថានីយវិទ្យុនិងទូរទស្សន៍មជ្ឈិមចិននិងវេទិកាប្រព័ន្ធផ្សព្វផ្សាយថ្មី វានឹងជួយតំបន់ខេត្តក្វាងទុង ហុងកុងនិងម៉ាកាវក្នុងការធ្វើសមាហរណកម្មទៅក្នុងការអភិវឌ្ឍជាតិ ធ្វើឱ្យស៊ីជម្រៅនូវកិច្ចសហប្រតិបត្តិការរវាងតំបន់ក្នុងនិងតំបន់ហុងកុងនិងម៉ាកាវ គាំទ្រតំបន់ហុងកុងនិងម៉ាកាវចូលក្នុងការបង្កើនសុខដុមរមនារបស់បងប្អូនជនរួមជាតិនៃតំបន់ហុងកុងនិងម៉ាកាវ រក្សាវិបុលភាពនិងស្ថិរភាពយូរអង្វែងនៃតំបន់ហុងកុងនិងម៉ាកាវ ។
វិទ្យុសំឡេងមហាតំបន់ឈូងសមុទ្រក្វាងទុង-ហុងកុង-ម៉ាកាវគ្របដណ្តប់ក្រុង Guangzhou ខេត្ត Guangdong ក្រុង Shenzhen ក្រុង Zhuhai ក្រុង Foshan ក្រុង Huizhou ក្រុង Dongguan ក្រុង Zhongshan ក្រុង Jiangmen ក្រុង Zhaoqing តំបន់រដ្ឋបាលពិសេសហុងកុងនិងតំបន់រដ្ឋបាលពិសេសម៉ាកាវ ។ វិទ្យុនេះគឺផ្សាយតាមរលក ១០១,២មេហ្គាហឺត រលកមធ្យម១២១៥ គីឡូហឺត ដែលចាក់ផ្សាយក្នុង១ថ្ងៃ២១ម៉ោង ។