ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានបើកធ្វើសន្និសីទកាសែតនៅទីក្រុងប៉េកាំងនៅថ្ងៃទី ២៩ ខែសីហានេះដើម្បីឧទ្ទេសនាមពីការងារត្រៀមរៀបចំកម្មវិធីអបអរសាទរខួប ៧០ ឆ្នាំនៃការបង្កើតសាធារណរដ្ឋប្រជាមានិតចិន។ ក្នុងនោះ ពិធីត្រួតពលនិងដង្ហែក្បួននៅទីលាន ធាន អាន មឹន (Tian`anmen) នឹងផ្តោតសំខាន់លើការបង្ហាញនូវសមត្ថភាពផ្នែកច្នៃប្រឌិតថ្មីដោយម្ចាស់ការនៃឧស្សាហកម្មបច្ចេកវិទ្យាការការពារជាតិរបស់ប្រទេសចិន។
មន្ត្រីរៀបចំពិធីបានថ្លែងថា ការដង្ហែក្បួនព្យុហយាត្រា “មិនផ្តោតលើប្រទេសណាមួយឬតំបន់ណាមួយនោះទេ ហើយក៏មិនផ្តោតលើព្រឹត្តិការណ៍ណាមួយផងដែរ”។ កងទ័ពប្រទេសចិនជាកម្លាំងដ៏រឹងមាំក្នុងការរក្សាគាំពារសន្តិភាពពិភពលោកនិងស្ថិរភាពក្នុងតំបន់ជារៀងរហូត និងខិតខំចូលរួមកិច្ចការងារដ៏ឧត្តុង្គឧត្តមនៃការរក្សាសន្តិភាពពិភពលោក ក៏ដូចជាការបម្រើបុព្វហេតុនៃការកសាងសហគមន៍រួមវាសនាសម្រាប់មនុស្សជាតិ។ ជាមួយគ្នានេះ កងទ័ពប្រទេសចិនមានការប្តេជ្ញាចិត្ត មានសមត្ថភាព ក្នុងការការពារយ៉ាងម៉ឺងម៉ាត់ដល់អធិប្បតេយ្យភាពនៃប្រទេសជាតិ ការពារសន្តិភាពនិងផលប្រយោជន៍អភិវឌ្ឍន៍នៃប្រទេសជាតិ ក៏ដូចជាចូលរួមក្នុងការគាំពារថែរក្សានិងជំរុញដល់សន្តិភាពនិងស្ថិរភាពនៃសកលលោក៕
