ពិព័រណ៍នាំចូលចិនអន្តរជាតិលើកទី ២ នឹងបើកធ្វើនៅមជ្ឈមណ្ឌលសន្និសីទនិងពិព័រណ៍ជាតិនៅក្រុងសៀងហៃពីថ្ងៃទី ៥ ដល់ថ្ងៃទី ១០ ខែ វិច្ឆិកាឆ្នាំ ២០១៩ ។ គិតរហូតដល់បច្ចុប្បន្ននេះ ពិព័រណ៍នាំចូលចិនអន្តរជាតិលើកទី ២ បានទាក់ទាញសហគ្រាសជាង ៣០០០ ដែលមកពីប្រទេសនិងតំបន់ជាង ១៥០ ។ ចំនួនប្រទេសនិងសហគ្រាសដែលចូលរួមពិព័រណ៍លើកនេះក៏ច្រើនជាងពិព័រណ៍លើកទី ១ ផងដែរ ។ នៅក្នុងសន្និសីទកាសែតដែលរៀបចំដោយការិយាល័យព័ត៌មាននៃក្រុមប្រឹក្សាកិច្ចការរដ្ឋចិននាថ្ងៃទី ២៦ ខែ កក្កដា លោក Wang Bingnan អនុរដ្ឋមន្ត្រីនៃក្រសួងពាណិជ្ជកម្មចិនបានថ្លែងថា ការបើកធ្វើពិព័រណ៍នាំចូលចិនអន្តរជាតិនេះគឺបង្ហាញពីការប្តេជ្ញាចិត្តក្នុងការបើកទូលាយឥតឈប់ឈររបស់ប្រទេសចិន ក៏ដូចជាចូលរួមចំណែកជាកម្លាំងសម្រាប់ជំរុញការអភិវឌ្ឍប្រកបដោយតុល្យភាពលើវិស័យនាំចេញនាំចូលរបស់ប្រទេសចិននិងជំរុញសកលភាវូបនីយកម្មសេដ្ឋកិច្ចផងដែរ ៕