ក្នុងសិក្ខាសាលាពាក់ព័ន្ធនឹង"ដឹកនាំគំនិតផ្តួចផ្តើមខ្សែក្រវាត់និងផ្លូវ"ដែលបានបើកធ្វើនៅក្រុងប៉េកាំងកាលពីថ្ងៃទី ១១ ខែកក្កដា អ្នកជំនាញនៃប្រទេសចិននិងអាមេរិកបានធ្វើការពិគ្រោះពិភាក្សាដោយស៊ីជម្រៅអំពីសមិទ្ធផលនៃកិច្ចកសាង”ខ្សែក្រវាត់និងផ្លូវ” ព្រមនិងលើកឡើងនូវសំណើពាក់ព័ន្ធសម្រាប់កិច្ចសហប្រតិបត្តិការនាពេលអនាគត ។
លោកស្រីNaima Green បណ្ឌិតនៃសកលវិទ្យាល័យHarvardអាមេរិកបានលើកឡើងថា គំនិតផ្តួចផ្តើម”ខ្សែក្រវាត់និងផ្លូវ”មិនគ្រាន់តែមានអំណោយផលដល់ប្រទេសចិនប៉ុណ្ណោះទេ ហើយក៏ផ្តល់ប្រយោជន៍ដល់ប្រទេសដទៃទៀតដែលបានចូលរួមកិច្ចកសាង”ខ្សែក្រវាត់និងផ្លូវ”ទៀតផង ។
លោកDaniel Russel អនុប្រធានទទួលបន្ទុកពីសន្តិសុខអន្តរជាតិនិងការទូតនៃវិទ្យាស្ថានសិក្សាស្រាវជ្រាវគោលនយោបាយនៃសមាគមទ្វីបអាស៊ីរបស់សហរដ្ឋអាមេរិកបានអះអាងថា មានសហគ្រាសអាមេរិកជាច្រើនរីករាយចូលរួមកិច្ចកសាង”ខ្សែក្រវាត់និងផ្លូវ” ។
ជាងនេះទៅទៀត អ្នកជំនាញចិននិងអាមេរិកដែលអញ្ជើញចូលរួមសិក្ខាសាលាថ្ងៃដដែលបានលើកឡើងនូវសំណើថា កិច្ចសហប្រតិបត្តិការលើគម្រោង”ខ្សែក្រវាត់និងផ្លូវ”នាពេលអនាគតគួរតែបង្កើនការវាយតម្លៃនិងវិនិច្ឆ័យពីហានិភ័យ ព្រមនិងធ្វើការវិភាគប្រកបដោយតម្លាភាពនិងគ្រប់ជ្រុងជ្រោយមុនពេលអនុវត្តគម្រោង វាមានសារៈសំខាន់សម្រាប់ទាក់ទាញទុនឯកជននិងសហហិរញ្ញប្បទានអន្តរជាតិ ៕
