ថ្ងៃទី១៥ខែឧសភា លោកហាតាមីរដ្ឋមន្រ្តីការពារជាតិអ៊ីរ៉ង់បានថ្លែងនៅក្រុងតេហេរ៉ង់ថា កងកម្លាំងប្រដាប់អាវុធរបស់អ៊ីរ៉ង់បានត្រៀមលក្ខណៈគ្រប់ជ្រុងជ្រោយរួចហើយ ដើម្បីទប់ទល់នឹងគំរាមកំហែងមកពីខាងក្រៅ ។
តាមការផ្សាយដំណឹងនៃទីភ្នាក់ងារសារព័ត៌មានTasnimអ៊ីរ៉ង់បានឲ្យដឹងថា លោកហាតាមីបានថ្លែងសុន្ទរកថានៅថ្ងៃដដែលថា ទោះបីបានរងការដាក់ទណ្ឌកម្មដោយគ្រប់ជ្រុងជ្រោយពីប្រទេសអាមេរិកក៏ដោយ ក៏ប៉ុន្តែ អ៊ីរ៉ង់នៅតែទទួលបានសមិទ្ធផលដ៏ធំធេងលើវិស័យយោធាដដែល។ ដើម្បីបង្កើនកម្លាំងជាក់ស្តែងខាងកិច្ចការពារជាតិ អ៊ីរ៉ង់មិនបានលះបង់ចោលគម្រោងការពារជាតិណាមួយនោះឡើយ ។ លោកបានបង្ហើបឲ្យដឹងទៀតថា គម្រោងសិក្សាស្រាវជ្រាវផ្នែកកិច្ចការពារជាតិរបស់អ៊ីរ៉ង់នៅឆ្នាំ២០១៩គឺមានទ្រង់ទ្រាយធំជាងឆ្នាំ២០១៨រហូតដល់ទៅ៣ដង ៕
