ពេលថ្មីៗកន្លងទៅនេះ លោកគង់វីរៈ ប្រធានសារមន្ទីរជាតិកម្ពុជាបានថ្លែងនៅពេលទទួលបទសម្ភាសន៍ពីអ្នកសារព័ត៌មានស៊ីនហ្វាចិនថា គំនិតផ្តួចផ្តើមស្តីពី“ខ្សែក្រវាត់និងផ្លូវ”បានផ្តល់ឱកាសថ្មីកាន់តែច្រើនឡើងៗសម្រាប់ការផ្លាស់ប្តូរនិងកិច្ចសហប្រតិបត្តិការរវាងប្រទេសកម្ពុជានិងប្រទេសចិនព្រមទាំងអរិយធម៌អាស៊ីផ្សេងទៀត ។
លោកគង់វីរៈបានថ្លែងថា វត្ថុបុរាណដ៏ល្អរបស់កម្ពុជាត្រូវបានចូលរួមតាំងពិព័រណ៍នៅប្រទេសចិនជាច្រើនលើក ក្រោមគំនិតផ្តួចផ្តើមស្តីពី“ខ្សែក្រវាត់និងផ្លូវ” ការផ្លាស់ប្តូររវាងសារមន្ទីរប្រទេសទាំងពីរកម្ពុជានិងចិនបានកើនឡើង ហើយកិច្ចសហប្រតិបត្តិការផ្នែកបុរាណវិទ្យាក៏កាន់តែជិតស្និទ្ធដែរ ។ ដើម្បីកិច្ចប្រជុំសន្ទនាស្តីពីអរិយធម៌អាស៊ីដែលនឹងធ្វើឡើងនៅក្រុងប៉េកាំង កម្ពុជាបានជ្រើសរើសវត្ថុបុរាណចំនួន១០ទៅតាំងពិព័រណ៏នៅប្រទេសចិន ។
កិច្ចប្រជុំសន្ទនាស្តីពីអរិយធម៌អាស៊ីលើកនេះ គឺផ្តោតសំខាន់លើប្រធានបទនៃសហគមន៍រួមវាសនា ដែលមានគោលបំណងបំផុសកម្លាំងរស់រវើកច្នៃប្រឌិតថ្មីរបស់អាស៊ី ។
លោកគង់វីរៈបានថ្លែងទៀតថា កិច្ចប្រជុំសន្ទនាស្តីពីអរិយធម៌អាស៊ីជាកិច្ចប្រជុំដ៏ឱឡារិកមួយ ជាឱកាសល្អសម្រាប់ប្រទេសកម្ពុជាបង្ហាញពីវប្បធម៌និងអរិយធម៌និងចែករំលែកបទពិសោធន៍អំពីការការពារវប្បធម៌ជាមួយប្រទេសផ្សេងទៀត ។ សង្ឃឹមថា នៅពេលអនាគត កិច្ចសហប្រតិបត្តិការផ្នែកប្រវត្តិសាស្ត្រនិងវប្បធម៌រវាងប្រទេសទាំងពីរកម្ពុជានិងចិននឹងមានភាពកាន់តែស៊ីជម្រៅ ។