ថ្ងៃទី ៩ ខែឧសភា អ្នកនាំពាក្យនៃតំបន់រដ្ឋបាលពិសេសហុងកុងបានថ្លែងថា កិច្ចព្រមព្រៀងពាណិជ្ជកម្មសេរីរវាងហុងកុងនិងអាស៊ានដែលពាក់ព័ន្ធនឹងប្រទេសជាសមាជិកអាស៊ានចំនួន ៣ គឺមីយ៉ាន់ម៉ា សិង្ហបុរីនិងថៃនឹងចូលជាធរមាននៅថ្ងៃទី ១១ ខែមិថុនា ។ អ្នកជំនាញការជាច្រើនរូបបានថ្លែងថា ការចូលជាធរមាននៃកិច្ចព្រមព្រៀងនឹងបង្កើតកាលានុវត្តភាពធ្វើពាណិជ្ជកម្មនិងវិនិយោគកាន់តែច្រើន ។
មន្ត្រីនៃនាយកដ្ឋានអភិវឌ្ឍន៍ពាណិជ្ជកម្មហុងកុងបានថ្លែងថា កិច្ចព្រមព្រៀងពាណិជ្ជកម្មសេរីរវាងហុងកុងនិងប្រទេសជាសមាជិកអាស៊ានផ្សេងទៀតក៏នឹងចូលជាធរមានជាបន្តបន្ទាប់ដែរនៅពេលអនាគត ហើយការអភិវឌ្ឍរបស់ហុងកុងនិងអាស៊ាននឹងបន្ថែមកម្លាំងរស់រវើកកាន់តែច្រើន ។ ព្រមជាមួយនេះ វាក៏នឹងជំរុញឲ្យហុងកុងនិងអាស៊ានរួមគ្នាជំរុញការកសាងខ្សែក្រវាត់និងផ្លូវដែរ ៕