សន្និសីទថ្នាក់មន្រ្តីសម្រាប់កិច្ចប្រជុំកំពូលធុរកិច្ចនិងវិនិយោគចិនអាស៊ានលើកទី១៦បានបើកធ្វើនៅក្រុងប៉េកាំងកាលពីថ្ងៃទី៩ខែឧសភា តំណាងនៃមជ្ឈដ្ឋានឧស្សាហកម្មនិងពាណិជ្ជកម្មនៃប្រទេសចិននិងប្រទេសអាស៊ាននានាបានពិគ្រោះពិភាក្សាអំពីការធ្វើឲ្យស៊ីជម្រៅនូវការប្រាស្រ័យទាក់ទងគ្នាផ្នែកសេដ្ឋកិច្ចនិងពាណិជ្ជកម្មក្នុងតំបន់ បង្ហាញនូវទស្សនវិស័យស្តីពីកិច្ចសហប្រតិបត្តិការនិងការច្នៃប្រឌិតថ្មីរបស់ប្រទេសនានាក្នុងវិស័យបច្ចេកវិទ្យា កិច្ចការពាណិជ្ជកម្មអេឡិចត្រូនិកឆ្លងដែន ចរាចរណ៍ទំនិញ និងផលិតកម្មជាដើម។
តំណាងនៃសភាពាណិជ្ជកម្មកម្ពុជាបានថ្លែងថា ប្រទេសកម្ពុជានិងប្រទេសចិនមានការវិវឌ្ឍយ៉ាងឆាប់ក្នុងកិច្ចសហប្រតិបត្តិការបច្ចេកវិទ្យា5G រំពឹងថាតាមរយៈវេទិកានៃកិច្ចប្រជុំកំពូលអាចបង្កើនកិច្ចសហប្រតិបត្តិការនៃការបណ្តុះបណ្តាលវិជ្ជាជីវៈក្នុងផ្នែកមានពាក់ព័ន្ធរវាងប្រទេសចិននិងអាស៊ានថែមមួយកម្រិតទៀត។
